ისრაელის პრემიერ-მინისტრი ბენიამინ ნეთანიაჰუ აცხადებს, რომ 23 დეკემბრიდან ისრაელი უცხოელებისთვის საზღვრებს კეტავს, ქვეყანაში დაბრუნებული მოქალაქეები კი სავალდებულო კარანტინს დაექვემდებარებიან. ამის მიზეზი COVID-19-ის მუტირებული შტამია, რომელიც ბრიტანეთსა და რამდენიმე ქვეყანაში დაფიქსირდა.

"უცხოელების შემთხვევაში ისრაელში შემოსვლას მხოლოდ დიპლომატები შეძლებენ. ისრაელის მოქალაქეები, რომლებმაც ქვეყანა 48 საათზე მეტი დროით დატოვეს, სპეციალურ ცენტრებში კარანტინს გაივლიან. თუკი ისინი 48 საათში დაბრუნდებიან, კარანტინს სახლში გაივლიან", - აღნიშნულია ისრაელის მთავრობის მიერ გავრცელებულ ინფორმაციაში.