ერაყის დედაქალაქ ბაღდადში ე.წ მწვანე ზონაში არსებულ ამერიკის საელჩოს 8 რაკეტა ესროლეს. ერაყში აშშ-ის საელჩოს პრესსამსახურის თქმით, ინციდენტის შემდეგ საელჩოს შენობამ მცირე დაზიანებები მიიღო, ხოლო თანამშრომელთა შორის არავინ დაშავებულა.

აღნიშნულ ინციდენტში ამერიკის სახელმწიფო მდივანი, მაიკ პომპეო ირანის მიერ მხარდაჭერილ სამხედრო დაჯგუფებებს ადანაშაულებს და მათ მოქმედებებს გმობს.

„ერაყელებს მოვუწოდებთ, მხარი ერაყის მთავრობის ძალისხმევას დაუჭირონ სუვერენიტეტის დაცვის კუთხით. ირანის მიერ მხარდაჭერილი ყველა შეიარაღებული დაჯგუფება უნდა იყოს სახელმწიფოს დაქვემდებარებაში“- აღნიშნა პომპეომ.