დიდ ბრიტანეთში გამოვლენილი ახალი შტამის გამო საქართელოს ხელისუფლებამ მიიღო გადაწყვეტილება, ის პირები, რომლებიც აღნიშნული სახელმწიფოდან ჩამოვიდნენ, 12 დღიან სავალდებულო კარანტინში განთავსდნენ.

როგორც საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ განაცხადა, აღნიშნული გადაწყვეტილება ეხებათ საქართველოს მოქალაქეებს და იმ პირებს, რომელთათვისაც დასაშვებია ქვეყანაში შემოსვლა და მათ ბრიტანეთში მოგზაურობის ისტორია აქვთ:

"ეს გადაწყვეტილება ეხება საქართველოს მოქალაქეებს, ასევე ბიზნესვიზიტორებს, რომლებსაც ბოლო 14 დღის განმავლობაში ჰქონდათ მოგზაურობის ისტორია დიდ ბრიტანეთში და ასევე, იმ 18 ქვეყნის ყველა მოქალაქეს ან რეზიდენტს, რომელთათვის გარკვეული პირობებით დასაშვებია ჩვენს ქვეყანაში შემოსვლა", - განაცხადა სიჭინავამ.

შეგახსენებთ, რომ ბრიტანეთში კორონავირუსის ახალი შტამი აღმოაჩნეს, რომელიც იმაზე ბევრად უფრო სწრაფად ვრცელდება, ვიდრე ეს მანამდე ხდებოდა.