კასპის რაიონის სოფელ დოესში ძაბვის მოულოდნელი მომატების შედეგად მოსახლეობას საყოფაცხოვრებო ტექნიკა გადაეწვა. ადგილობრივები ენერგეტიკის მინსიტრსა და ,, ენერგო-პრო ჯორჯიას" უყურადღებობაში ადანაშაულებენ და ზარალის ანაზღაურებას ითხოვენ.

,,ნიუპოსტთან" საუბრისას დოესელები აცხადებენ რომ სოფელში ელექტროსისტემა მოუწესრიგებელია და ამ დრომდე არ მომხდარა ინდივიდუალური გამრიცხველიანება.

„ფაქტობრივად, მაღალი ძაბვა მოვიდა, გადაგვეწვა ტელევიზორები, კომპიუტერები და მაცივრები. კატეგორიულად მოვითხოვთ მოვიდნენ და აღწერონ ზარალი, ჯერ ისედაც სიმწრით გვაქვს ნაყიდი, თუ რამე გაგვაჩნია. ბავშვები დაგვიწიოკდა, იმხელა ხმა ჰქონდა...

ტელევიზორი, შეიძლება ითქვას, აფეთქდა და წყალს ვასხამდით მთელი ოჯახი", - აცხადებს დოესის მკვიდრი ნელი ბულაური.

გიორგი ახალკაცი, „ნიუპოსტი“, კასპი.