ნიდერლანდებში, კორონავირუსის ახალი სახეობის გავრცელების გამო, დიდი ბრიტანეთიდან ფრენები აიკრძალა. Reuters-ის ინფორმაციით, აკრძალვა 1 იანვრამდე იმოქმედებს. ხოლო ამის შემდგომ, მთავრობა შეზღუდვის გახანგრძლივების საკითხს განიხილავს.

გამოცემის ცნობით, ხელისუფლებამ დაადასტურა, რომ ბრიტანეთში აღმოჩენილი კორონავირუსის ახალი შტამი დეკემბრის დასაწყისში ნიდერლანდებშიც გამოვლინდა.

ვირუსის გავრცელების კონტროლის მიზნით, მთავრობამ მოსახლეობას მოგზაურობისაგან თავის შეკავებისაკენ მოუწოდა.

ბრიტანული გამოცემა The Guardian-ის ცნობით, ბორის ჯონსონი აცხადებს, რომ კორონავირუსის ახალი სახეობა, ძველ შტამთან შედარებით 70%-ით უფრო სწრაფად ვრცელდება.