პარტნიორობა ადამიანის უფლებებისთვის (PHR) წარმომადგენელი ანა არგანაშვილი Facebook-ზე წერს, რომ თბილისის საქალაქო სასამართლომ აფრიკის დასახლებაში მცხოვრები 8 წლის გიგი ჩანგელიას სახლის ნგრევის შეჩერებაზე მოთხოვნა არ დააკმაყოფილა.

"სასამართლომ არ დაგვიკმაყოფილა მოთხოვნა 8 წლის გიგის სახლის ნგრევის შეჩერებაზე. სასამართლოს დასაბუთება არის ძალიან სევდიანი და ტექნიკური, როდესაც სასწორზე დევს ბავშვის უსაფრთხოება და მისი სახლის გადარჩენა. ჩემთვის ყველაზე სამწუხაროა, რომ ბავშვს ვუთხარით სასამართლო მას მთელი გულით და ყურადღებით მოუსმენდა. სასამართლოს უარს გავასაჩივრებთ. ბავშვმა სამართლიანობის არსებობის იმედი არ უნდა დაკარგოს",-წერს არგანაშვილი.