24 საათის განმავლობაში, კომენდანტის საათის მოქმედების პერიოდში, მარტვილის მუნიციპალიტეტის სოფელ სერგიეთში ზედიზედ ოთხი სახლი გაქურდეს და ავტომანქანები გატეხეს. წაღებულია ფული და სანადირო იარაღი.

ცოტა ხნის წინ აქ კიდევ სამი ოჯახი გაქურდეს, ჯამში დაზარალებულია შვიდი ოჯახი, თუმცა, ამ დრომდე არავინ დაუკავებიათ. მეტიც, ადგილობრივები აცახდებენ, რომ საგამოძიებო მოქმედებებიც კი არ ჩატარებულა.

"წაიღეს ფული ჩემგან, 800 ლარია წაღებული, მეზობლის სახლიდან კი იარაღიცაა წაღებული. პოლიცია არ მოსულა, მე ვუთხარი პოლიციას ორი დღის შემდეგ, გამქურდეს და მეშინია, რომ განმეორდება-მეთქი", - ამბობს ადგილობრივი.