"ვფიქრობთ, რომ სწორი დიაგნოზი ვერ დასვევს ექიმებმა" - გახდა თუ არა ექიმების დაუდევრობა და გულგრილი დამოკიდებულება შსს-ს თანამშრომლის გარდაცვალების მიზეზი

COVID-19 - 11:34, 13 Dec, 2020

4315

გახდა თუ არა ექიმების დაუდევრობა და გულგრილი დამოკიდებულება შინაგან საქმეთა სამინისტროს თანამშრომლის გარდაცვალების მიზეზი - "ნიუპოსტის" კორესპონდენტის ცნობით, 41 წლის ლარიკ ალექსიძეს წინასწარი ინფორმაციით, თრომბი განუვითარდა. შემთხვევამდე პოლიციელმა მედიკოსებს მიმართა თუმცა, მამაკაცი გადასხმის გაკეთების შემდეგ სახლში გაუშვეს. ოჯახი ვარაუდობს რომ მამაკაცი არასათანადო სამედიცინო მომსახურების მსხვერპლია. ,,წვის შეგრძნება მაქვსი მკლავისა და გულ-მკერდის არეშიო, ამბობდა. სასწრაფო გამოვიძახეთ და გადავუყვანეთ "გორმედში". იქ გადასხმა გაუკეთეს და სახლში გამოუშვეს. მალევე ცუდად გახდა და დაიღუპა. ვფიქრობთ, რომ სწორი დიაგნოზი ვერ დასვევს ექიმებმა",-ამბობს გარდაცვლილის შვილი, გიორგი ალექსიძე. "გორმედში" ოჯახის პრეტენზიებს არ იზიარებენ და ირწმუნებიან რომ ექიმებმა პროტოკოლით გათვალისწინებული ყველა ღონისძიება გაატარეს. უცნობია, დაიწყო თუ არა შსს-მ მათი თანამშრომლის გარდაცვალების ფაქტზე გამოძიება, ამ კითხვაზე პასუხს ჟურნალისტები მეორე დღეა უშედეგოდ ველით. ლარიკ ალექსიძე გორის პოლიციაში 16 წლის განმავლობაში მუშაობდა.