მძიმე ნარკოდანაშაული სამეგრელოში - პოლიციამ 39 წლის მამაკაცს 509 აბი სუბოტექსი უპოვა

სამართალი - 12:08, 12 Dec, 2020

1421

სამეგრელოში პოლიციამ 509 აბი სუბოტექსის შენახვისთვის 39 წლის მამაკაცი დააკავა. შსს-ს მიერ გავრცელებული ინფორმაციის თანახმად, მამაკაცი იმ დროს დააკავეს, როდესაც ის საკუთარი ავტომობილით გადაადგილდებოდა. მანქანიდან სამართალდამცველებმა 115 აბი სუბოტექსი ამოიღეს, ხოლო სახლის ჩხრეკისას კიდევ 394.

შსს-ს განცხადებას ნიუპოსტი უცვლელად გთავაზობთ:
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის ფოთის საქალაქო სამმართველოს თანამშრომლებმა, ჩატარებული ოპერატიულ-საგამოძიებო ღონისძიებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1 პირი - 1981 წელს დაბადებული ლ.ჩ. დააკავეს.დანაშაული 8-დან 20 წლამდე ან უვადოდ თავისუფლების აღკვეთას ითვალისწინებს.სამართალდამცველებმა ბრალდებული თბილისში, საკუთარი ავტომობილით გადაადგილების დროს დააკავეს. მისი პირადი ჩხრეკის შედეგად, პოლიციამ ნარკოტიკული საშუალება "სუბუტექსის" 115 აბი ამოიღო, ხოლო ფოთში, ბრალდებულის საცხოვრებელ სახლში ჩატარებული ჩხრეკისას, ნივთმტკიცების სახით ამოღებულია 394 აბი "სუბუტექსი".განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლის მე-6 ნაწილით მიმდინარეობს.