რუსთავში კორონავირუსით 61 და 52 წლის დები, ნაილი და ნანა იაშაგაშვილები გარდაიცვალნენ. იაშაღაშვილები მკურნალობის კურსს რუსთავის ცენტრალური საავადმყოფოს რეანიმაციულ განყოფილებაში გადიოდნენ.

როგორც კლინიკის ეპიდემიოლოგმა მაია რაზმაძემ "ინფო რუსთავს" განუცხადა, რუსთაველი დები კოვიდ19-ით ერთმანეთისგან დაინფიცირდნენ.

ეპიდემიოლოგის თქმით, ნაილი და ნანა იაშაღაშვილები სამედიცინო დაწესებულებაში ნოემბრის თვის ერთსა და იმავე დღეს, ერთი დილის, მეორე კი საღამოს საათებში შეიყვანეს.

როგორც მაია რაზმაძემ საინფორმაციო სააგენტოს უთხრა, კლინიკაში ჯერ ნანა იაშაღაშვილი, 2 დღის შემდეგ კი ნაილი იაშაღაშვილი გარდაიცვალა.

რუსთავის ცენტრალურ საავადმყოფოში განსაკუთრებით მძიმე თანმხლებ დაავადებებზე არ საუბრობენ, თუმცა აცხადებენ, რომ კორონავირუსმა იაშაღაშვილებში სუნთქვის მწვავე უკმარისობა გამოიწვია, მათი მდგომარეობა ბოლო პერიოდში განსაკუთრებით გართულდა და დების გადარჩენა შეუძლებელი გახდა.

ამ დრომდე სამედიცინო დაწესებულებაშია მოთავსებული ერთ-ერთი დის მეუღლე.

წყარო: ინფო რუსთავი