სა­ბერ­ძნეთ­ში 49 წლის ქარ­თვე­ლი ემიგ­რან­ტი ხა­თუ­ნა აზა­რი­აშ­ვი­ლი და­ი­ღუ­პა. ავ­ტო­საგ­ზაო შემ­თხვე­ვა 9 დე­კემ­ბერს, კუნ­ძულ ან­ტი­პა­როს­ზე მოხ­და. ბერ­ძნუ­ლი მე­დი­ის ცნო­ბით, დიდი სიჩ­ქა­რით მოძ­რა­ვი ავ­ტო­მო­ბი­ლი, რო­მელ­შიც ცნო­ბი­ლი ბერ­ძე­ნი ბიზ­ნეს­მე­ნი, მისი მე­უღ­ლე და ოჯა­ხის დამ­ხმა­რე ქალი ის­ხდნენ, წყალ­ში გა­და­ვარ­და. სა­მი­ვე მათ­გა­ნი ად­გილ­ზე და­ი­ღუ­პა. ხათუნა აზარიაშვილი რამდენიმე წლის მანძილზე მუშაობდა მათ ოჯახში და ყველა საჭირო საქმეს უკეთებდა, ვინაიდან უკვე ხანში შესულები იყვნენ.

გარ­დაც­ვლი­ლი ემიგ­რან­ტის და ნონა ბა­ქა­რაშ­ვი­ლი ამ­ბობს, რომ მიც­ვა­ლე­ბულს სამ­შობ­ლო­ში 13 დე­კემ­ბერს გად­მოს­ვე­ნე­ბენ.

"ბოლო 13 წელი სა­ბერ­ძნეთ­ში მუ­შა­ობ­და. აქ მე­უღ­ლე და ორი შვი­ლი დარ­ჩა. ოჯა­ხის­თვის თავ­და­დე­ბუ­ლი დედა და მე­უღ­ლე იყო. მი­ლი­ო­ნე­რე­ბი იყ­ვნენ ისი­ნი, ვის­თა­ნაც მუ­შა­ობ­და", - გა­ნა­ცხა­და მან.

75 წლის ქალბატონი, ცნობილი ბიზნესმენია ათენიდან, მისი მეუღლე და ქართველი ემიგრანტი ანტიპაროსზე დროებით იმყოფებოდნენ, ისინი იქ წლის მხოლოდ ნახევარს ატარებდნენ. ტრაგედიის დღეს ყველა ერთად ათენში ბრუნდებოდნენ, რისთვისაც პორტში მიდიოდნენ და სწორედ ამ დროს მოხდა ტრაგედია.

თვითმხილველთა თქმით, მანქანამ დიდი სიჩქარე განავითარა და ამავე დროს, ჩანდა, რომ მძღოლმა არაფერი გააკეთა ვარდნის თავიდან ასაცილებლად, შედეგად, ჯერ ერთ-ერთ ნიშნულს შეეჯახა, შემდეგ კი წყალში გადავარდა.

დეტალები, თუ რამ გამოიწვია ტრაგედია, უცნობია. ასევე, არ ვრცელდება დაზუსტებით, თუ ვინ მართავდა ავტომობილს. პოლიციაში განიხილავენ შესაძლებლობას, რომ მძღოლს გულის შეტევა მოუვიდა ან მანქანას შეექმნა პრობლემა, რის გამოც შეუძლებელი გახდა თავიდან აერიდებინა გადავარდნა.

სანაპირო დაცვის თანამშრომლები დაუყოვნებლივ გადახტნენ წყალში მათ დასახმარებლად, მაგრამ, სამწუხაროდ, უკვე გვიანი იყო. მოხუცი ცოლ-ქმარიც და მათი ემიგრანტი დამხმარე ქალიც გარდაცვლილები ამოიყვანეს.

მიმდინარეობს ექსპერტიზა, რათა დადგინდეს მომხდარის ზუსტი მიზეზები.

წყარო: https://georgians.gr