"ტელეხიდი გვქონდა საქართველოსთან და მაშინვე დავასხით ღვინო ჭიქებში" - სოსო პავლიაშვილმა და ირინა პატლახმა ჯვარი დაიწერეს

სოც.მედია - 16:38, 10 Dec, 2020

1617

მომღერალი სოსო პავლიაშვილი უკვე 20 წელია ირინა პატლახთან ერთად ცხოვრობს. მათ ორი შვილი ჰყავთ,მიუხედავად ამისა ოფიციალურად ჯერაც არ დაქორწინებულა, თუმცა ერთ-ერთ გადაცემაში აღიარა, რომ სულ ცოტა ხნის წინ ჯვარი დაიწერეს.მათი უფროსი ქალიშვილი ელისაბედი 16 წლისაა, ხოლო სანდრა - 12-ის.

"რამდენიმე დღის წინ ღვთის შეწევნით დავიწერეთ ჯვარი. სურვილი დიდი ხანია გვქონდა, მაგრამ ნელ-ნელა უნდა მიხვიდე სასურველი მიზნისკენ. მღვდელმა აიღო ყველაფერი თავის თავზე და ყველაზე მეტადაც ნერვიულობდა. ჩვენ ტელეხიდი გავაკეთეთ საქართველოსთან და მაშინვე დავასხით ღვინო ჭიქებში", - ამბობს სოსო. ცერემონიას ესწრებოდნენ სოსო ქალიშვილები და უფროსი ვაჟი პირველი ქორწინებიდან - ლევანი.

ცოლ-ქმარი ჯვრისწერის შემდეგ ქალაქგარეთ აგარაკზე წავიდა.

აქვე გეტყვით, რომ თავდაპირველად წყვილს მეგობრული ურთიერთობები ჰქონდა - ახალგაზრდა ირინა სოსოს გამოსვლების დროს საცეკვაო ნომრებში მონაწილეობდა. მოგვიანებით მათ შორის რომანი გაჩაღდა. ირინას მშობლები წინააღმდეგები იყვნენ, რადგან პავლიაშვილს მექალთანის რეპუტაცია ჰქონდა. თუმცა მან მოახერხა ირინას მშობლების დარწმუნება და აგერ უკვე 20 წელია წყვილი ერთდ ცხოვრობს.