მხოლოდ მთავრობა და ეპიდემიოლოგები ვერ შეძლებენ ვირუსის დაძლევას, მნიშვნელოვანია საზოგადოების ჩართულობაც

მხოლოდ მთავრობა და ეპიდემიოლოგები ვერ შეძლებენ ვირუსის დაძლევას, მნიშვნელოვანია საზოგადოების ჩართულობაც - ტიკარაძე

COVID-19 - 14:01, 10 Dec, 2020

1133

ჯანდაცვის მინისტრის ეკატერინე ტიკარაძის განცხადებით, ვირუსი დიდი საფრთხის მატარებელია, ამიტომ ყველამ უმკაცრესად უნდა დაიცვას რეკომენდაციები.

მისი თქმით, მხოლოდ მთავრობა და ეპიდემიოლოგები ვერ შეძლებენ ვირუსის დაძლევას, მნიშვნელოვანია საზოგადოების ჩართულობაც:

„მნიშვნელოვანია გავითვალისწინოთ ის პერიოდი, რომელიც ჩვენ გამოვიარეთ, როგორც პოლიტიკურ ჭრილში, ასევე ბოლო „შავი პარასკევის" კომპონენტი. ყველა ჩვენმა მოქალაქემ უნდა გაითვალისწინოს, პირბადის ტარება რამდენად მნიშვნელოვანია. ვირუსი ჩვენთანაა, უხილავია და ეს ყველაზე დიდი საფრთხის მატარებელია. ჩვენ ვამკაცრებთ აღსრულებას და თქვენ ამას აკვირდებით, თუ როგორ მუშაობს შრომის ინსპექცია კერძო სექტრთან მიმართებაში და ასევე ჩვენი პილიციელები, თუ რამდენად არიან ჩართული მოსახლეობისთვის იმის შეხსენებით - რამდენად მნიშვნელოვანია პირბადის ტარება. აქედან გამომდინარე მხოლოდ მთავრობა და ეპიდემიოლოგები ვერ შეძლებენ ამ ვირუსის დაძლევას, მნიშვნელოვანია ერთობლივი ქმედებები, სადაც მეტი წილი პასუხისმგებლობის მოსახლეობას ეკუთვნის", - განაცხადა ტიკარაძემ.