5 000-დან 700 შემთხვევამდე ჩამოსვლას სჭირდება შემზღუდველი ღონისძიებები, მარტო პირბადე არ აკეთებს საქმეს

5 000-დან 700 შემთხვევამდე ჩამოსვლას სჭირდება შემზღუდველი ღონისძიებები, მარტო პირბადე არ აკეთებს საქმეს - გამყრელიძე

COVID-19 - 12:52, 10 Dec, 2020

1029

დაავადებათა კონტროლის ეროვნული ცენტრის დირექტორმა ამირან გამყრელიძემ საკოორდინაციო საბჭოს სხდომის დასრულების შემდეგ ქვეყანაში განვითარებულ ეპიდსიტუაციაზე ისაუბრა და განაცხადა, რომ მხოლოდ პირბადის კეთება ინფიცირების შემთვევებს ვერ დაწევს, მნიშვნელოვანია შემზღუდველი ღონისძიებები, რომლებიც 5 000 დღიურ შემთხვევას 700-მდე ჩამოიყვანს:

"მე არასდროს მითქვამს, რომ მარტო პირბადე აკეთებს საქმეს. განახევრება ეს არის - 5 000-დან ჩამოხვალ 2 500-მდე, 2 500-დან რომ ჩამოხვიდე 1 000-ზე, 700-ზე, გვჭირდება შემზღუდველი ღონისძიებები.

მარტო პირბადე არა, ერთდროულად რამდენიმე მიმართულება: შემზღუდველი ღონისძიებები, პირბადე, დისტანცია, ხელების ხშირი დაბანა, პირველადი ჯანდაცვა, ჰოსპიტალური ჯანდაცვა და ტესტირება - ეს გახლავთ, სანამ ვაქცინა, პირველადი მოხმარების წამალი იქნება, ეს არის ჩვენი იარაღი. თუ ყველა ამ იარაღს ჩვენ გამოვიყენებთ ერთდროულად და წარმატებით, მაშინ სერიოზულად შევამცირებთ ინფიცირებულთა რაოდენობას," - განაცხადა ამირან გამყრელიძე.