ადამიანების 90-95%-მა შინ და გარეთ დაიწყოს ნიღბის ტარება, ინფიცირების შემთხვევებიც დაიკლებს და ეკონომიკას მეტი თავისუფლება მიეცემა

ადამიანების 90-95%-მა შინ და გარეთ დაიწყოს ნიღბის ტარება, ინფიცირების შემთხვევებიც დაიკლებს და ეკონომიკას მეტი თავისუფლება მიეცემა - კულუმბეგოვი

COVID-19 - 10:15, 10 Dec, 2020

1780

პრემიერ-მინისტრ გიორგი გახარიასა და ჯანდაცვის სფეროს ექსპერტებს შორის გამართული შეხვედრის შემდეგ ალერგოლოგ-იმუნოლოგმა ბიძინა კულუმბეგოვმა შექმნილ ვითარებასა და პირბადის ტარების აუცილებლობაზე ისაუბრა. მისი განცხადებით, მნიშვნელივანია, ყველა ადამიანმა პირბადის ტარების წესი დაიცვას, ეს ხელს შეუწყობს ეკონომიკური საქმიანობის აღდგენას:

"მიუხედავად იმისა, რომ 65%-მდე გაიზარდა პირბადის ტარება, რაც ძალიან კარგია, ჩვენ ეს არ გვაწყობს. აუცილებელია, ადამიანების 90-95%-მა შინ და გარეთ დაიწყოს ნიღბის ტარება, რაც მოგვცემს ინფიცირების რაოდენობის მკვეთრი შემცირების საშუალებას და შესაბამისად, ეკონომიკას უფრო მეტი თავისუფლება მიეცემა. ამიტომ, ამ ორკვირიანი დაკვირვების შედეგად მოგვეცემა შესაძლებლობა, ვიმსჯელოთ, როგორი იქნება 24 დეკემბერი-2 იანვრის გადაწყვეტილებები, რათა არ დაზიანდეს ერთის მხრივ ეპიდემიის სწორი მართვა და მეორეს მხრივ ეკონომიკასაც მიეცეს დაპირებული შეზღუდვების შემსუბუქების პირობებში მუშაობის საშუალება", - განაცხადა ბიძინა კულუმბეგოვმა.