ჟურნალისტი მარიკა შალიკაშვილი, პირველი საუნივერსიტეტო კლინიკის ხელმძღვანელთან ლევან რატიანთან ერთად გადაღებულ ფოტოს ავრცელებს.

როგორც ჟურნალისტი წერს, ექიმი მას აპრილში შეჰპირდა, რომ თუკი კორონა დაემრთებოდა, აუცილებლად მიხედავდა.

„ეს ფოტო აპრილშია გადაღებული, აქ დამპირდა, ნუ შეგეშინდება, თუ დაგემართა მოგხედავო, დამემართა და მომხედა, აღარ ჰქვია, თან გადამყვა. თვეების მანძილზე ჩემი ყოველი დილა პირველი საუნივერსიტეტო კლინიკით იწყებოდა, მაშინ სხვების ჯანმრთელობის მდგომარეობას ვაცხადებდი და სულ მაინტერესებდა, შიგნით რა ხდებოდა. ლევან რატიანს დიდ პატივს ვცემდი და ვაფასებდი როგორც უკეთილეს, პროფესიონალ ექიმს რომელიც სხვების სიცოცხლისთვის იბრძოდა.

ახლა უკვე ყველაფერი ის, რაც პირველ საუნივერსიტეტოში ხდება ჩემი თვალით მაქვს ნანახი. ეს არის თავდადებული, საკუთარი სიცოცხლის რისკის ფასად სხვა ადამიანების გადარჩენისთვის მებრძოლი, ძალიან მაგარი, კეთილშობილი ადამიანების გუნდი.

მიხარია, რომ ასეთი ხალხი არსებობს და მათ რომ ვხედავ, მჯერა ყველაფერი კარგად იქნება. ლევან რატიანი მადლობას გიხდით, როგორც პაციენტი და თქვენნაირი ადამიანები რომ არსებობენ, დარწმუნებული ვარ, მსოფლიო პანდემიასაც გადავურჩებით“, - წერს მარიკა შალიკაშვილი.