ქობულეთი-ლანჩხუთის დამაკავშირებელ ცენტრალურ მაგისტრალზე ერთმანეთს ორი მიკროავტობუსი შეეჯახა. გავრცელებული ინფორმაციის თანახმად, მიკროავტობუსები არასამგზავრო დანიშნულების იყვნენ.

როგორც ცნობილია, ავტოკატასტროფის შედეგად გარდაიცვალა სამი და დაშავდა ოთხი ადამიანი. დაზარალებულები სამედიცინო დაწესებულებაში გადაიყვანეს და ამ დროისათვის მათ სიცოცხლეს საფრთხე აღარ ემუქრება.

გამოძიება საქართველოს სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.