ჩატარებული ტესტირებით გამოვლენის მაჩვენებელი 25%-ია, გასულ დღეებში კი 37%-ს აღემატებოდა

ჩატარებული ტესტირებით გამოვლენის მაჩვენებელი 25%-ია, გასულ დღეებში კი 37%-ს აღემატებოდა - ტიკარაძე ინფიცირების კლებაზე

COVID-19 - 12:18, 07 Dec, 2020

1037

ჯანდაცვის მინისტრის ეკატერინე ტიკარაძის განცხადებით, მიუხედავად შაბათ-კვირას არსებული დაბალი აქტივობისა, ჩატარებული ტესიტესირების პროპორციულად გამოვლენილი შემთხვევების კუთხით მაინც შემცირებულია ინფიცირების მაჩვენებელი.

მისივე განმარტებით, ქვეყანაში 445 თავისუფალი საწოლია, რაც მძიმე პაციენტებს კლინიკური მკურნალობის საშუალებას აძლევს:

„დღეის მდგომარეობით ჩატარდა 10 ათასამდე ტესტი. გამოვლენილი იქნა 2501 დადასტურებული შემთხვევა. იცით, რომ შაბათ-კვირას საკმაოდ დაბალი აქტივობაა, რაც ტესტირების კომპონენტში აისახება, თუმცა ასევე მნიშნელოვანია, რომ გამოვლენა საკმაოდ დაბალია. გამოვლენის მაჩვენებელი დღეს გვაქვს 25%, როდესაც 37%-ს აღემატებოდა. დღეს გვყავს 3988 გამოჯანმრთელებული, რაც ასევე მნიშვნელოვანი მაჩვენებელია, ვინაიდან საქართველოში 83% არის გამოჯანმრთელების მაჩვენებელი, რაც ეპიდემიოლოგიური კუთხით საკმაოდ კარგი მაჩვენებელია.

6595 დადასტურებული შემთხვევევაა, ვინც სტაციონარში მკურნალობს, 1286 ადამიანია ჟანგბადდამოკიდებული, 392 ადამიანია რეანიმაციულ განყოფილებაში. გვაქვს 445 თავისუფალი ადგილი“, - განაცხადა ტიკარაძემ.