საყოველთაოდ ცნობილია, რომ ადამიანები ცხოვრების ⅓ ნაწილს ძილში ვატარებთ. სწორედ ამიტომ, ეს პროცესი ჩვენთვის მაქსიმალურად კომფორტული უნდა იყოს. თუმცა, ხშირ შემთხვევაში ძილში ხელი გვეშლება, რადგან გარკვეული პრობლემები გვაწუხებს: რეფლუქსი, აპნოე, ხვრინვა, კისრის ტკივილი და სხვა. ასეთ შემთხვევებში ორთოპედიული ბალიშების გამოყენება შეგიძლიათ, რომლებიც სხვადასხვა დანიშნულებისაა. ამასთან, არა მარტო ძილისთვისაა განკუთვნილი, არამედ მგზავრობისთვის, სავარძლისთვის და ა.შ.

სად შევიძინოთ სამედიცინო ბალიშები?

ნებისმიერი მომხმარებლისთვის უმნიშვნელოვანესია პროდუქციის მაღალი ხარისხი, “ახალი ხედვა” კი ის კომპანიაა, რომელიც ამას უზრუნველყოფს. ის გთავაზობთ საერთაშორისო ბაზარზე ცნობილი ბრენდების პროდუქციას, რომელთა ფასები 55 ლარიდან 142 ლარამდე მერყეობს. განვიხილოთ თითოეული პროდუქტი:

• რეფლუქსის ბალიში - ამ ბალიშის დახმარებით კომფორტული ძილი გარანტირებული გაქვთ. გამოიყენება ძილში რეფლუქსის პრობლემის დროს (გულძმარვა) - ამაღლებული ზედაპირი აქვს, რაც საკვებს უკან დაბრუნების საშუალებას არ აძლევს. გარდა ამისა, რეფლუქსის ბალიში ხერხემალს და კისერს სწორ პოზიციაში აფიქსირებს და ასვენებს ზურგის კუნთებს.
• სამგზავრო ბალიში - მგზავრობის დროს ხშირად გვეძინება, თუმცა სავარძლები არც თუ ისე კომფორტულია. სამგზავრო ბალიში ამ სიტუაციაში იდეალური საშუალებაა, რადგან თავისა და კისრის მიდამოს ფიქსაციას უზრუნველყოფს და თავიდან აგაცილებთ კისრისა და ზურგის კუნთების დაჭიმულობას.
• კისრის ორთოპედიული ბალიში - ძილის დროს უზრუნველყოფს კისრისა და მხრის კუნთების, ხერხემლის სვეტის და სასუნთქი გზების სწორი ანატომიური მდგომარეობის შენარჩუნებას. თუ თავი და კისერი ქრონიკულად გტკივათ, ან ძილის დროს აპნოე და ხვრინვა გაწუხებთ, ეს ბალიში თქვენთვისაა განკუთვნილი. გარდა ამისა, ის გამოიყენება ოსტეოქონდროზის, ცერვიკალური კიფოზის, მალთაშუა დისკის თიაქრის და ხერხემლის სხვა პრობლემების დროს.
• ზურგის ბალიში - თუ ოფისში მუშაობთ და მჯდომარე ცხოვრების წესი გაქვთ, მაშინ ზურგის ბალიში აუცილებლად უნდა გამოიყენოთ. მიზეზი მარტივია: ის წელს ანატომიურ მდგომარეობაში აფიქსირებს და ზურგის კუნთებს გადაღლილობისგან იცავს.
• ჩვილის ორთოპედიული ბალიში - უხრუნველყოფს თავისა და კისრის მიდამოს იდეალურ ფიქსაციას. განკუთვნილია ჩვილებისთვის 0 თვიდან. აქვე უნდა აღინიშნოს, რომ ბალიში ჰაერგამტარია და სპეციალური დამცავი ბამბის ზედაპირიც აქვს, რომელიც მარტივად ირეცხება.
• სავარძლის ბალიში - წელს ანატომიურ მდგომარეობაში აფიქსირებს და ზურგის კუნთებს გადაღლილობისგან იცავს. გამოიყენება კოქსიქსის ტრავმების, ჰემატომის ან ნაწოლების დროს. ბალიშის განსაკუთრებული ფორმა ხელს უწყობს მცირე მენჯში სისხლის მიმოქცევის გაუმჯობესებას, იდეალურია ჰემოროის (ბუასილის) პროფილაქტიკისთვის.

როგორ შევარჩიოთ სამედიცინო ბალიში?

პროდუქციის შერჩევისას გაითვალისწინეთ თქვენი ჯანმრთელობის მდგომარეობა და ის პრობლემა, რაც გაწუხებთ. მაგალითად, თუ ოსტეოქონდროზი გაქვთ, მაშინ კისრის ორთოპედიული ბალიში უნდა გამოიყენოთ, ჰემატომის დროს - სავარძლის ბალიში და ა.შ. აქვე უნდა აღინიშნოს, რომ “ახალი ხედვის” ბალიშები ანტიალერგიულია და უმაღლესი ხარისხის მასალებისგანაა დამზადებული.