როგორც რუსული მედია იტყობინება, ვალერი მელაძეს მობეზრდა ჯგუფ „ვია გრას“ ექს-სოლისტთან ალბინა ჯანაბაევთან ურთიერთობის დამალვა და მეგობრის - მსახიობ ვლადიმირ მაშკოვის დაბადების დღეზე, წყვილი ერთად მივიდა.  მოსკოვის ერთ-ერთ რესტორანში, ვარსკვლავები დაუფარავად შევიდნენ, მაშკოვის მისალოცად.

დანარჩენი სტუმრების რეაქციის მიხედვით, არავინ დარჩენილა გაკვირვებული იმით, რომ მელაძე და ჯანაბაევა ერთად მივიდნენ, თუმცა, მანამდე, წყვილი ამის უფლებას თავს არ აძლევდა.

ვალერი მელაძე ამჟამად, ოფიციალურად ქორწინებაში იმყოფება. მისმა მეუღლემ განქორწინების შესახებ გაზეთებიდან შეიტყო და ახლა თავის უფლებებს იცავს სასამართლოში, სადაც აპირებს კანონის მიხედვით დაარეგულიროს ქონების გაყოფა და საერთო შვილების მეურვეობა. ირინას და ვალერის სამი შვილი ჰყავთ. გარდა ამისა, მელაძეს 9 წლის ვაჟი ჰყავს ჯანაბაევთან.