გვერდი „არა მონობას“ სოციალურ ქსელში, გამთენიისას, სპარში მომხდარ ამბავს გვიზიარებს:

„დღეს 04:00 საათისთვის კომენდანტის საათის დროს ვიყავი სპარში აგლაძის ქუჩაზე. ( მაქვს საშვი)
შესვლისას 2 ბიჭი იყო მაღაზიაში, რომლებიც მოლარეს უყვიროდნენ და ემუქრებოდნენ. გარეთ გაგიყვან და დაგასისხლიანებო.
რა ხდება-მეთქი ვკითხე და გამოლაპარაკების შემდეგ გარეთ გავიდა ეს ორი ტიპი.
როგორც კონსულტანტმა მითხრა, აშინებდნენ და ემუქრებოდნენ (პროდუქტის გატანა უნდოდათ). ,ვკითხე დაცვა სად არის-მეთქი და არ გვყავსო. რაღაც ღილაკი მაჩვენა, რომლითაც დაცვა წესით უნდა მოდიოდეს. თვითონ კონსულტანტები არ იყვნენ ქართველები ( სავარაუდოდ აზერბაიჟანლები იყვნენ) და უკიდერესად შეშინებული გოგო იყო ძლივს დავამშვიდე.
გამოსვლისას რა თქმა უნდა, დავრეკე პატრულში. ზუსტად 04:36 წუთზე. ავუხსენი მდგომარეობა (ყველაფერს რო თავი დავანებოთ ამ ტიპებს საშვი არანაირად არ უნდა ჰქონოდათ).
თანამშრომლებს ავუხსენი, რომ პატრულისთვის ნორმალურად აეხსნათ რაც მოხდა.
1 საათის შემდეგ 05:24 წუთზე დამირკა პატრულმა და თქვეს რომ არცერთი არ იღებდა ხმას და ამბობდნენ რო მსგავსი რამე არ მომხდარა.
პატრული ამბობდა, კამერების ამოღებას რა აზრი აქვს ჩუმად არიანო.
(ამათმა ცალკე დაიკიდეს)
ხოდა აქ პრობლემა იცი რაარის?
სპარის საზიზღარმა მენეჯმენტმა ალბათ დარეკა და გააფრთხილა, ხმა არ ამოეღოთ იმის ნაცვლად, რომ იზრუნონ ამ ახალგაზრდებზე.
არ ვიცი მართლა რას უზამდნენ იმ შეშინებულ გოგოს და ბიჭს. ისიც არ ვიცი, შეიარაღებულები იყვნენ თუ არა, მაგრამ ფაქტია სპარის და პატრულის უმოქმედობის გამო, ესენი ისევ საფრთხის წინაშე დგანან.“