"ე.წ. ხელყუმბარა, ეს იყო სათამაშო, "ზაჟიგალკა", მან ქვეყანაში არსებული უსამართლობა პერფორმანსით გააპროტესტა"

"ე.წ. ხელყუმბარა, ეს იყო სათამაშო, "ზაჟიგალკა", მან ქვეყანაში არსებული უსამართლობა პერფორმანსით გააპროტესტა" - მიკროსაფინანსოზე თავდამსხმელის ადვოკატი

კრიმინალი - 12:55, 21 Nov, 2020

1940

მიკროსაფინანსო ორგანიზაციაზე თავდამსხმელის ადვოკატების თქმით, მათი დაცვის ქვეშ მყოფს ხელში არა ხელყუმბარა, არამედ მისი ვიზუალის სანთებელა ეჭირა ხელში. უფლებადამცველების განმარტებით, ბრალდებული აზარტული თამაშების მსხვერპლია და გუშინდელი "პერფორმანსით" ის აზარტული თამაშების არსებობას აპროტესტებდა:

"ე.წ. ხელყუმბარა რაზეც საუბრობდნენ, ეს იყო სათამაშო, უფრო სწორად "ზაჟიგალკა", რომელსაც ხელყუმბარის ფორმა აქვს. მეტი დამაჯერებლობისთვის, მან ეს უბრალოდ შეღება შავ ფრად. ველოდებით ექსპერტიზის დასკვნას, თუმცა მანამდე ჩვენც, პოლიციელებმაც და ყველამ იცის რომ ია არ იყო იარაღი. მას როგორც შეეძლო გააპროტესტა ქვეყანაში ის უსამართლობა რაც ქვეყანაში ხდება. ყველაზე მთავარი - მას არ ჰქონია იარაღი, არ ჩაუდენია ყაჩაღობა, მეტიც - მოლარე გოგონა რომელიც სალაროდან გამოვიდა, სთხოვა რომ კარი დაეკეტა, რათა ვინმეს არ ეფიქრა, რომ მას რაიმე შემხებლობა ჰქონდა თანხასთან", - განაცხადა ირმა ჭკადუამ.

შეგახსენებთ, რომ გუშინ წერეთლის ქუჩაზე მიკროსაფინანსო ორგანიზაცია ემ-ბი-სის შენობაში თავდამსხმელი შეიჭრა და 11 პირი მძევლად აიყვანა. ადგილზე მობილიზებულია იყო საპატრულო პოლიციის რამდენიმე ბრიგადა და სპეცრაზმი. დამნაშავე გვიან ღამით აიყვანეს.

გამოძიება სისხლის სამართლის სამართლის კოდექსის 236-ე და 179-ე მუხით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებისა და ყაჩაღობას გულისხმობს.