ამ დროისთვის დაუდასტურებელი ინფორმაციით, თბილისში, წერეთლის ქუჩაზე მდებარე მიკროსაფინანსო ორგანიზაციაში სავარაუდოდ 5 თავდამსხხმელი შეიჭრა და მძევლები აიყვანა.
ერთ-ერთი თვითმხილველი ყვება, რომ თავდამსხმელები შეიარაღებულები არიან. რაც შეეხება მძევლებს, თვითმხილველი ირწმუნება, რომ თავდაპირველად მძარცვლებმა 5 ადამიანი აიყვანეს, აქიდან 2 გაათავისუფლეს, "მიკრო ბიზნეს კაპიტალში" კი მინიმუმ 3 მძევალი რჩება.
ორი მძევალი კი რომლებმაც ადგილის დატოვება შეძლეს, პოლიციამ დაკითხვაზე გადაიყვანა.
"როგორც გავიგე, ხელყუმბარებითა და იარაღებით არიან, ითხოვენ ფულს. თავდაპირველად 5 მძევალი ჰყავდათ, აქიდან 2 გამოუშვეს. ორივე პოლიციამ გადაიყვანა დაკითხვაზე.
როგორც გავიგე, სახლს ართმევდნენ და ამიტომ გადაწყვიტა ბანკში შეჭრა. ღარიბაშვილის მისვლას ითხოვდნენ"- აცხადებს თვითმხილველი.
ერთ-ერთი ვერსიით, მამაკაცების გაღიზიანება სესხზე უარის თქმამ გამოიწვია
წერეთლის გამზირზე მიკროსაფინანსო ორგანიზაცია MBC-ში შეჭრის შესახებ ინფორმაცია ცოტა ხნის წინ გავრცელდა.
ტერიტორიაზე მობილიზებულია პოლიცია. აღსანიშნავია, რომ მიკროსაფინანსო ორგანიზაციის გვერდით პოლიციის შენობაა.
დგილზე პოლიციაა მობილიზებული.
მასალის გამოყენების პირობები