"ვინც სტადიონზე ბლატებით მოხვდა ყველა ნაგავია.. ან რომ გაჰკივის ზურა ერთიაო, რომელი ადამიანია ორი? გაგვეშვით თქვენი მახინჯი ღირებულებებით"

"ვინც სტადიონზე ბლატებით მოხვდა ყველა ნაგავია.. ან რომ გაჰკივის ზურა ერთიაო, რომელი ადამიანია ორი? გაგვეშვით თქვენი მახინჯი ღირებულებებით" - პატარაია ქეთი დოლიძეს

სოც.მედია - 11:25, 16 Nov, 2020

2240

უფლებადამცველი და არასამთავრობო ორგანიზაცია "საფარის" ხელმძღვანელი ბაია პატარაია რეჟისორ ქეთი დოლიძის ფეისბუქსტატუსსა და კომენტარს ეხმაურება, რომელმაც სოციალურ ქსელში ზურა ყიფშიძეს მხარდასაჭერი პოსტი მიუძღვნა და საზოგადოებას მისი მისამართით გამოთქმული კრიტიკული მოსაზრებების გამო მეტი თავშეკავებისკენ მოუწოდა.
ცნობისთვის, გუშინდელ საფეხბურთო მატჩს სახელისუფლებო ელიტის გარდა, ასევე მსახიობი ზურა ყიფშიძეც ესწრებოდა, რამაც ფეხბურთის ქომაგთა შორის დიდი უკმაყოფილება გამოიწვია.
პატრაია სოციალურ ქსელში, Facebook-ის პირად გვერდზე , აქვეყნებს სტატუსს. თქმით, ყველა ვინც გუშინ სტადიონზე ბლატებით მოხვდა ყველა ნაგავია:
"რა გაგვიწყალა გული ამ ქალმა ხან "კუკარაჩათი", ხან რობიკოთი და ხან ზურათი? პატივისცემა დაჟინებული მოთხოვნით არ მოიპოვება. ან რომ გაჰკივის ზურა ერთიაო, რომელი ადამიანია ორი? ტეხავს საკუთარ თავზე შეყვარებულობა. ნუ წაიღეთ ტვინი "სახალხო არტისტებმა". ოდესღაც რაღაც კარგი შეგიქმნიათ, მაგრამ ახლა ვეღარაფერს ქმნით ღირებულს - ჩამორჩით დროს. და იმიტომ კი არ ჩამორჩით, რომ ასაკი მოგემატათ, არა, იმიტომ ჩამორჩით, რომ "წითელ ინწელიგენციას" ვერ გასცდა თქვენი აზროვნება და ღირებულებები, რომლის მიხედვითაც ზურა ყიფშიძე ფეხბურთის გულითად გულშემატკივარზე მეტია. გაგვეშვით თქვენი მახინჯი სავოკური ღირებულებებით: ვინც გუშინ სტადიონზე ბლატებით შევიდა, ყველა ნაგავია! საქართველოში ბლატები, "ნარუშილოვკები" და პრივილეგიები უკვე სირცხვილია!" - წერს პატარაია. შეგახსენებთ, რომ გუშინ, 12 ნოემბერს საქართველოს საფეხბურთო ნაკრებმა თბილისში უეფა-ს ერთა ლიგის ფინალში ჩრდილოეთ მაკედონიას უმასპინძლა, რომელთანაც ანგარიშით – 0:1 დამარცხდა. თამაში დინამო არენაზე გაიმართა. კორონავირუსის გავრცელების პრევენციის მიზნით გადაადგილებაზე დაწესებული შეზღუდვის გამო, მატჩი გულშტემატკივართა გარეშე ჩატარდა. მიუხედავად უეფა-ს რეკომენდაციისა, საქართველოს მთავრობამ გულშემატკივარი მოედანზე არ დაუშვა. ისინი ეროვნულ ნაკრებს სტადიონის გარეთ გულშემატკივრობდნენ. ახლა კი, გთავაზობთ ქეთი დოლიძის კომენტარის სქრინშოტს, რასაც ბაია პატარაიას პოსტი მოჰყვა.