ჩვენმა მკითხველმა უკვე იცის, რომ მოკლულია 36 წლის მიშო მელიქიშვილი და დაჭრილია პარტია "კანონი და სამართალის" წევრი ლევან საბურიშვილი.
"ნიუპოსტს" საბურიშვილის დაჭრის ფაქტი პარტიის ხელმძღვანელმა თაკო ჩარკვიქნმაც დაუდასტურა.
მისი ინფორმაციით, საბუაშვილი თავს კარგად გრძნობს და კონტაქტურია:
- 20 წელია ლევანი ჩემს გვერდითაა, ფუტკარივით მშრომელი, ერთგული ბიჭია. თავიდან გავიგე ინფორმაცია, რომ ლევანის სახლში ხანძარი გაჩნდა. ვურეკავდი და არ იღებდა, მერე გავიგე, რომ მოხდა ეს უმძიმესი დანაშუალი, ლევანი ძლივს გადარჩა, ყელის არეში აქვს ჭრილობა მიყენებული. სასწაულებრივად გადაურჩა სიკვდილს, დაჭრილმა გაქცევით უშველა თავს.
როგორც ვიცი, მკვლელის ვინაობა იციან და ის დაკავებულია. რაც შეეხება მიშოს, მოკლულს, ის ლევანის ბავშვობის მეგობარია, თურმე ადგილზე იყო გარდაცვლილი, მკვლელმა შემდეგ სახლში მოასხა ბენზინი და დაწვა.
როგორც ვიცი, დანაშაულის დროს ლევანი მეორე ოთახში იყო, სავარაუდოდ ეძინა. ხმაურზე შემობრუნდა იმ ოთახში, სადაც ჩხუბი იყო, სცადა მკვლელი მოეშორებინა მსხვერპლისთვის, მაგრამ მან ამ დროს ლევანსაც ყელში დაუსვა. ბიჭმა გამოსვლა მოასწრო.
ლევანი სახლში მარტო ცხოვრობს, დედამისი სამუშაოდაა წასული საზღვარგარეთ.
მოკლული ახალგაზრდა ლევანის უახლოესი მეგობარი ყოფილა, ამბობენ ძალიან საყვარელი ბიჭი იყოვო, ძალიან კარგად ახასიათებენ. მე მას არ ვიცნობ"- გვითხრა ჩარკვიანმა.
მასალის გამოყენების პირობები