14 ნოემბერს, თბილისის დროით 19 საათზე, „რვა ერის“ პირველ რაუნდში საქართველოს რაგბის ეროვნული ნაკრები ექვსი ერის მოქმედ ჩემპიონსა და 2019 წლის მსოფლიო თასის ფინალისტ ინგლისს ეთამაშება. ესაა პირველი შემთხვევა, როდესაც რაგბის სამშობლოს უმთავრეს გუნდს მსოფლიო თასს მიღმა ვერკინებით.

საქართველოს რაგბის ფედერაციაშ აცხადებენ. რომ ამ ტურნირზე ნაკრების მიზანია, თამაშიდან თამაშამდე განვითარდეს და თამაშის კლასი აიმაღლოს.

დღემდე ბორჯღალოსნებმა ინგლისთან ორჯერ ითამაშეს. 2003 წლის მსოფლიო თასზე, ავსტრალიაში, საქართველოსთვის სადებიუტო მატჩში, მომავალმა ჩემპიონმა 84:6 იმარჯვა. 2011 წელს, ახალ ზელანდიაში, ინგლისს ერთი საათი დიდი წინააღმდეგობა გავუწიეთ, თუმცა გამოცდილმა მეტოქემ დასკვნით მეოთხედში სამი ლელოს გატანა მოახერხა და 41:10 გაიმარჯვა.

შემოდგომაზე გუნდებმა თითო თამაშის ჩატარება მოასწრეს. ბორჯღალოსნებმა 8-თვიანი ლოკდაუნის შემდეგ პირველი მატჩი 23 ოქტომბერს, „მარიფილდზე“ შოტლანდიასთან გამართეს (7:48), 1 ნოემბერს რუსეთთან თბილისში გასამართი შეხვედრა კი გადაიდო.

ინგლისს 25 ოქტომბერს „ბარბაროსების“ წინააღმდეგ უნდა ეთამაშა, მაგრამ პანდემიამ ამის საშუალება არ მისცა, ორი კვირის წინ კი, 2020 წლის ექვსი ერის დასკვნით მატჩში, რომში იტალია მეორე ტაიმში გატეხა, ბონუსით, 34:5 დაამარცხა და ტურნირის გამარჯვებული გახდა.

გუნდების შემადგენლობები:

ინგლისი: 15. ელიოტ დეილი, 14. ჯონათან ჯოზეფი, 13. ოლი ლორენსი, 12. ჰენრი სლედი, 11. ჯონი მეი, 10. ოუენ ფარელი, 9. ბენ იანგსი;

1. ელის გენგე, 2. ჯიმი ჯორჯი, 3. ვილ სტიუარტი, 4. ჩარლი ველსი, 5. ჯო ლანჩბერი, 6. მარო იტოჯე, 7. ჯეკ ვილისი, 8. ბილი ვუნიპოლა.

16. ტომ დანი, 17. მაკო ვუნიპოლა, 18. კაილ სინკლერი, 19. ბენ ერლი , 20. ტომ ქარი, 21. დენ რობსონი, 22. მაქს მეილინზი, 23. ჯო მარშანი

საქართველო: 15. ლაშა ხმალაძე, 14. აკაკი ტაბუცაძე, 13. გიორგი კვესელაძე, 12. მერაბ შარიქაძე, 11. სანდრო სვანიძე, 10. თედო აბჟანდაძე, 9. გელა აფრასიძე

1. მიხეილ ნარიაშვილი, 2. შალვა მამუკაშვილი, 3. ბექა გიგაშვილი, 4. ლაშა ჯაიანი, 5. გრიგორ ქერდიყოშვილი, 6. ბექა საღინაძე, 7. გიორგი თხილაიშვილი, 8. ბექა გორგაძე

16. ჯაბა ბრეგვაძე, 17. გურამ გოგიჩაშვილი, 18. ლექსო ყაულაშვილი, 19. ოთარ გიორგაძე, 20. თორნიკე ჯალაღონია, 21. ვასილ ლობჟანიძე, 22. დემე თაფლაძე, 23. სანდრო თოდუა

ტურნირზე საქართველოს ნაკრები კიდევ 2 მატჩს გამართავს: 21 ნოემბერს - უელსი-საქართველო; 29 ნოემბერს - ირლანდია-საქართველო.