ცნობილი პაციენტი – შალვა შენგელია, რომელიც რევმატოლოგთან 10 ნოემბერს იყო ჩაწერილი ინტერნეტ–ჰიტად იქცა. მის მორიგ სტატუსებსაც ისეთივე მოწონებები აქვს, როგორც ჩანაწერს, სადაც ეს უკანასკნელი საავადმყოფოს ოპერატორს ესაუბრება.

გახსოვთ ალბათ, შენგელიამ ერთ–ერთ საავადმყოფოში ვიზიტზე ჩასაწერად ოქტომბრის შუარიცხვებში რომ დარეკა და თავისუფალი ადგილი მხოლოდ 10 ნოემბრისთვის რომ აღმოჩნდა. მან იხუმრა და თქვა: „ჩამწერეთ, მე თუ ვერ მოვალ, ჩემი შთამომავლობა მაინც მოვაო“.

ამან სოციალური ქსელი გაახალისა. აღმოჩნდა, რომ ცნობილ პაციენტს გარკვეული პრობლემა აქვს, რის გამოსასწორებლადაც ტრავმატოლოგთან ვიზიტია საჭირო და ის ამის შესახებ სოციალურ ქსელში სტატუსს აქვეყნებს:

„ორი კვირის წინ ვინმეს რომ ეთქვა, სოციალურ ქსელში საჯაროდ დადებ რევმატოლოგის დასმულ დიაგნოზსო, ნაღდად გიჟად ჩავთვლიდი :))

...მოვლენები ისე განვითარდა, რომ სოცქსელის საზოგადოების თხოვნით და ხალხის მოთხოვნით

მე თავად ვდებ რევმატოლოგის დიაგნოზს

ვფიცავ, რომ ნაღდია და არაა გაყალბებული

მენისკია ჩაგლეჯილი და საოპერაციოაო

ამ დღეებში უნდა დავრეკო! და ჩავეწერო! ლევან ნაჭყებიასთან, ტრავმატოლოგთან .

ამბობენ, დიდი რიგებიაო!“