საქართველომ ინფიცირებულთა რაოდენობის ზრდით შესაძლოა, სომხეთს გადაუსწროს - ამის შესახებ "ნაციონალური მოძრაობის" ერთ-ერთი ლიდერი, რომან გოცირიძე სოციალურ ქსელში წერს.

გოცირიძის თქმით, ჯანდაცვის სისტემა ჩამოშლილია.

„საქართველოში კორონავირუსით დაავადებულთა რიცხვმა 67 ათასს მიაღწია. თუ ასე გაგრძელდა, ორიოდ თვეში დავეწევით და გადავასწრებთ ყოველ მილიონ მოსახლეზე მსოფლიოში ერთ-ერთი ყველაზე უარესი შედეგის მქონე სახელმწიფოს, სომხეთს. აზერბაიჯანს უკვე გავუთანაბრდით, სადაც 66 ათასი დადასტურებული ინფიცირებულია დღეისათვის. თუმცა, აზერბაიჯანის მოსახლეობა ორნახევარჯერ მეტია საქართველსთან შედარებით.

დღეს 45 ადამიანი გარდაიცვალა. ესეც ერთ-ერთი ყველაზე უარესი დღიური მაჩვენებელია მსოფლიოში მოსახლეობის რაოდენობასთან შედარებით.

ამის მიზეზი ჯანდაცვის სისტემის ჩამოშლაა. არაკომპეტენტური და ივანიშვილის კლანის ინტერესზე მორგებული ხელისუფლება კლავს!“- წერს რომან გოცირიძე.