უკრაინელმა სამართალდამცველებმა ქართველი „კანონიერი ქურდი“ რევაზ ქათამაძე, იგივე "მაღალო" დააკავეს. სპეცოპერაცია კიევის გარეუბანში მდებარე აგარაკზე ჩატარდა.

ინფორმაციას სა ფოტოს უკრაინის ეროვნული პოლიციის სტრატეგიული გამოძიების დეპარტამენტი ავრცელებს.

46 წლის ქათამაძე წარმოშობით ზესტაფონელია და „კანონიერ ქურდად“ 2000 წელს, 21 წლის ასაკში „მონათლეს“.

„რევაზ ქათამაძე უკრაინაში მოქალაქეობას ითხოვდა, თუმცა მას შემდეგ, რაც ამ მოთხოვნაზე უარი ეთქვა, შეეცადა ქვეყნის ტერიტორიაზე უკანონოდ ყოფნას და დანაშაულებრივი საქმიანობის გაგრძელებას“ – იტყობინება უკრაინის პოლიცია.

ქათამაძე უკრაინაში 2012 წელსაც დააკავეს და ბიზნესმენის ოჯახზე შეიარაღებული თავდასხმის გამო 6 წლიანი პატიმრობაც მიუსაჯეს. მაშინ „მაღალომ“ თავდასხმის შედეგად 150 ათასი დოლარი გაიტაცა.