სასტიკი ანგარიშსწორება მარნეულში და მოკლული დედა-შვილი: "ბიჭი ბიცოლას მიუღებელ ფოტოებს უღებდა... სოფლიდანაც გაუგდიათ ამის გამო, მაგრამ გუშინ დაბრუნდა"

კრიმინალი - 11:40, 04 Nov, 2020

3085

მარნეულში დედა-შვილის მკვლელობის საქმეზე ახალი დეტალები ხდება ცნობილი - პოლიციამ სასტიკი დანაშაულისთვის 38 წლის კაცი და მისი 16 წლის ვაჟი დააკავა.
როგორც ირკვევა, მოკლულები და ბრალდებულები ნათესავები არიან. სოფელში ამბბენ, რომ 16 წლის მოზარდმა სანადირო თოფით ჯერ 23 წლის ბიძაშვილი მოკლა, შემდეგ 39 წლის ბიცოლას გაუსწორდა.

დანაშაულის მოტივად წარსულში არსებული უთანხმოება სახელდება.

კერძოდ, ახლოლალოში ამბობენ, რომ ახლო ნატესავებს შორის კონფლიქტი, რამდენიმე წლის წინ დაიწყო, როცა მოკლული ბიჭი "ბიცოლას მიუღებელ ფოტოებს უღებდა".

ადგილობრივების თქმით, ფაქტი "გასკდა, ბიძამ ნატესავი სცემა და სოფლიდან გააძევა, გუშინ კი გაარკვიეს რომ ახალგაზრდა ბიჭი საცხოვრებელ სახლში დაბრუნდა".

"ნიუპოსტი" შს სამინისტროს განცხადებას უცვლელად გთავაზობთ:

"შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, მამა-შვილი 1982 წელს დაბადებული ა.რ. და 2004 წელს დაბადებული მ.რ. მარნეულში დააკავეს.მათ ბრალი ორი პირის მიმართ დამამძიმებელ გარემოებაში ჯგუფურად ჩადენილ განზრახ მკვლელობაში ედებათ.დანაშაული 16-დან 20 წლამდე ან უვადო თავისუფლების აღკვეთას ითვალისწინებს.გამოძიებით დადგინდა, რომ ბრალდებულებმა მარნეულის მუნიციპალიტეტის სოფელ ახლოლალოში, მეზობლად მცხოვრებ დედა-შვილს - 1981 წელს დაბადებულ ზ.ბ.-ს და 1997 წელს დაბადებულ ა.რ.-ს, წარსულში არსებული უთანხმოების ნიადაგზე, მათივე საცხოვრებელი სახლის ტერიტორიაზე, ცეცხლსასროლი იარაღებიდან გასროლით სასიკვდილო ჭრილობები მიაყენეს.პოლიციამ ორივე ბრალდებული მომხდარიდან მალევე, ცხელ კვალზე დააკავა.სამართალდამცველებმა დანაშაულის ჩადენის იარაღები - სანადირო თოფები ნივთმტკიცების სახით ამოიღეს.დამამძიმებელ გარემოებებში ორი პირის მიმართ ჯგუფურად ჩადენილ განზრახ მკვლელობის ფაქტზე გამოძიება საქართველოს სისხლის სამართლის კოდექსის 109-ე მუხლის მე-2 ნაწილის "ე" და მე-3 ნაწილის "ა" ქვეპუნქტით მიმდინარეობს"- აცხადებენ უწყებაში.