"ხელმწიფის ნავში ჯდომა ყოველთვის სახიფათოა, რადგან მას ძირი სუსტი აქვს და შეიძლება ფსკერზე აღმოჩნდე"

"ხელმწიფის ნავში ჯდომა ყოველთვის სახიფათოა, რადგან მას ძირი სუსტი აქვს და შეიძლება ფსკერზე აღმოჩნდე" - პეტრე კოლხი

სოც.მედია - 20:30, 28 Oct, 2020

1383

სასულიერი პირი, მამა პეტრე კოლხი სოციალურ ქსელში პოსტს აქვეყნებს.მამა პეტრე მედროვე და " სახელმწიფოს ნავში" მჯდომ ადამიანებზე წერს და აცხადებს, რომ ყოველივე ეს სახიფათოა.
"დიოგენესთან რომ მივიდა ალექსანდრე მაკედონელი, ფილოსოფოსი კასრში იჯდა, მსოფლიოს დამპყრობელმა ჰკითხა, რა გსურს, რომ აგიხდესო... გაიწიე, მზეს ნუ ეფარებიო, უპასუხა მოაზროვნენ...ასეა, ვისაც ამ ქვეყნის წარმავალობა გააზრებული აქვს, ვინც აცნობიერებს, რომ ხელმწიფის ნავში ჯდომა ყოველთვის სახიფათოა, რადგან მას ძირი სუსტი აქვს და შეიძლება ფსკერზე აღმოჩნდეს, ვინც მონობის უღელს არასდროს დაიდგამს, მისთვის არავითარი ფასი არ გააჩნია მედროვე და თანამდებობაზე დამონებული ადამიანების მიმართ ანგარებით დამოკიდებულებას.ყოველთვის ის ემონება ტახტს, თანამდებობას, ვინც შინაგან თავისუფლებაზე აცხადებს უარს და მთელი ცხოვრება ვიღაცის რუპორად იქცა...ასეთმა თავიდანვე გადაწყვიტა, მისი არჩევანის თავისუფლება მონობა ყოფილიყო... ასეთები შიშის კანკალით უფრთხილდებიან ადგილს, თანამდებობას და საკუთარ აჩრდილსაც გაურბიან. მუდამ მოწონააღმდეგე და მოქიშპე ელანდებათ. არადა, ყველა ადამიანს მხოლოდ ერთი ავტორიტეტი უნდა ჰყავდეს და ეს არის უფალი იესო ქრისტე, რომელიც თავად იძლევა კლასიკურ მაგალითს... პროტესტიც მან გვასწავლა და ჭეშმარიტებისგან აცდენილი აზრის წინააღმდეგობის გაწევაც.რისი უნდა გვეშინოდეს?! არაფრის, გარდა უფლის დაკარგვისა!..სიბნელე და სინათლე ერთად ვერ დამკვიდრდება, ვერც მონობა და თავისუფლება, სიცრუე და სინამდვილე!..დიოგენეს სულ არ აიტერესებდა, ალექსანდრე მაკედონელი რას დაიპრობდა, რადგან დიოგენე უკვე თავისი აზროვნებით კაცობრიობის გონებას იპყრობდა... კასრში თავისუფლებას ხედავდა, მისი გონება მიწაზე მაღლა დგებოდა!...ასეა, მეტი სინათლე, მეტი!." - წერს პეტრე კოლხი.