ბანკზე თავდასხმის ახალი დეტალები - 20 000 ლარიანი სესხი ბანკში, რატომ დატოვა ბადრი ესებუამ თავდაცვის ძალები?

სამართალი - 13:07, 26 Oct, 2020

52921

ბადრი ესებუა, რომელიც "საქართველოს ბანკზე" თავდასხმაშია ეჭვმიტანილი, თბილისიდან ზუგდიდში ხვალ დაბრუნდება და მედიის კითხვებს უპასუხებს - ეს პირობა მიიღო მასმედიამ ესებუას ძმისგან, რომელმაც პირველი კომენტარი სულ ცოტა ხნის წინ გააკეთა.

ბიძინა ესებუას მტკიცებით, ბანკზე თავდასხმის დროს ბადრი ესებუა სამეგრელოში არ ყოფილა. მეტიც, რესპოდენტის თქმით, არანაირი მსგავსება დამყაჩაღებელს და ბადრი ესებუას შორის არ არსებობს. მაგალითისთვის ის სიმაღლეს აკონკრეტებს.

როგორც ირკვევა, ბადრი ესებუამ თავდაცვის სამინისტროში მუშაობას თავი ჯერ კიდევ წელიწადნახევრის წინ დაანება, თუმცა რატომღაც მიმდინარე წლის 27 სექტემბერს, სოციალურ ქსელში სამუსაო ადგილად სწორედ თავდაცვის სამინისტრო მიუთითა.

ირკვევა ისიც, რომ ბადრი ესებუას 20 000 ლარიანი ფინანსური ვალდებულება ერიცხება, რომელსაც ახალგაზრდა მამაკაცი ვერ იხდიდა.
"თვითონ ჩემი ძმა მოვა ხვალ. სავარაუდოდ უნდა მოვიდეს და თვითონ გააკეთებს შემდეგ კომენტარს. მე ცალკე ვცხოვრობ და არ ვიცი ზუსტად, სად იყო 21 ოქტომბერს", - განმარტა ბიძინა ესებუამ.

მისივე ინფორმაციით, ბადრი ესებუა ამჟამად თბილისში იმყოფება, სადაც ორშაბათს ან სამშაბათს წავიდა.