9-12 დეკემბერს, ფინეთში ქ. როვანიემში ტარდება გაეროს ევროპული ეკონომიკური კომისიისა (UNECE) და სურსათის და სოფლის მეურნეობისორგანიზაციის (FAO) ერთობლივი მერქნისა და ტყის კომიტეტის მორიგი სესია, რომელზეც საქართველოს ეროვნული სატყეო სააგენტო წარმოადგენს. სხვა საკითხებთან ერთად განხილული იქნებაგაეროს განვითარების დღის წესრიგის (UNDA)მე-8 ტრანშის პროექტი  „მწვანე ეკონომიკა მდგრადი ტყის სექტორით კავკასიასა და ცენტრალურ აზიაში“.

2 წლიანი პროექტის ფარგლებში განხორციელდება სატყეო რესურსების მდგრადი მართვის სასწავლო მასალების შემუშავება. ჩატარდება სემინარები სატყეო რესურსების მართვის პოლიტიკის შექმნის,  მერქნული ბიოენერგეტიკის, ტყის და სატყეო პროდუქციის შესახებ მონაცემების მოპოვების საკითხებზე.

მოხდება გამოცდილების გაზიარება და რეკომენდაციების შემუშავება. აღსანიშნავია, რომ პროექტის პირველ ფაზაში, ეროვნული სატყეო სააგენტოს და გარემოსა და ბუნებრივი რესურსების დაცვის სამინისტროს ინტენსიური მუშაობის შედეგად, საქართველო შერჩეულია როგორც აღნიშნული პროექტის საპილოტე ქვეყანა.