ბოროტმოქმედმა საქართველოს კონტროლირებადი ტერიტორია სავარაუდოდ კოდორიდან დატოვა? - რა მარშრუტი გაიარა თავდამსხმელმა მძევლებთან და ნახევარ მილიონთან ერთად

კრიმინალი - 12:41, 22 Oct, 2020

2060

არსებული ინფორმაციით, შეიარაღებულმა თავდამსხმელმა ოთხი მძევალი ჩხოროწყუს რაიონში, ლებარდეს ტყეში დატოვა, რის შემდეგაც ნავევარმილიონ ამერიკულ დოლართან ერთად გაიქცა. მეტიც, მედიაში აქტიურად ვრცელდება ინფორმაცია, რომ ბოროტმოქმედმა საქართველოს კონტროლირებადი ტერიტორია სავარაუდოდ კოდორიდან დატოვა.

"მთავარი" წყაროზე დაყრდნობით წერს, რომ თავდამსხმელმა საქართველოს კონტროლირებადი ტერიტორიის დატოვებამდე თავდამსხმელმა წალენჯიხა, ჩხოროწყუ, მარტვილი, და ლებარდეს ტყე გაიარა.

ზუგდიდში, „საქართველოს ბანკის“ ფილიალს კბილებამდე შეიარაღებული პირი თავს გუშინ. 14:21 საათზე დაესხა.

მამაკაცმა თავდაპირველად 43 ადამიანი აიყვანა, რომელიც ეტაპობრივად გაათავიუფლა.

მამაკაცმა ბანკის შენობა მძევლებთან ერთად მას შემდეგ დატოვა, რაც მისი მოთხოვნები დააკმაყოფილეს – მისცეს თანხა, გამოუყვეს ვერტმფრენი და შეუქმნეს უსაფრთხო დერეფანი.

მძევლებს შორის, ვისთან ერთადაც შეიარაღებულმა პირმა „საქართველოს ბანკის“ შენობა დატოვა, იყვნენ: სამეგრელო-ზემო სვანეთის პოლიციის დეპარტამენტის დირექტორი ავთანდილ გალდავა, ბოროტმოქმედმა გალდავასთან ერთად კიდევ ორი მძევალი – ზუგდიდის მერის, გეგა შენგელიას ბიძაშვილი ლაშა შენგელია და ბანკის მომხმარებელი 25 წლის მურიკო ბულია აიყვანა, რომელიც მოგვიანებით გაათავისუფლა.

ბრალდებულმა სამივე მძევალი, სწორედ ლაბადას ტყეში დატოვა.