სროლა და კრიმინალური გარჩევა “ქართული ოცნების“ დმანისის საარჩევნო შტაბში

სროლა და კრიმინალური გარჩევა “ქართული ოცნების“ დმანისის საარჩევნო შტაბში - დაჭრილია სამი პირი

კრიმინალი - 20:59, 21 Oct, 2020

3306

სროლა „ქართული ოცნების“ დმანისის შტაბში - „ნიუპოსტის“ ინფორმაციით, მმართველი პარტიის დმანისის ოფისში კრიმინალური სამყაროს წარმომადგენელმა ზურაბ ოკმელაშვილმა, რომელიც საარჩევნოდ ოცნების მაჟორიტარობის კანდიდატის გოგი მეშველიანის შტაბში კონკრეტული საქმიანობით არის დაკავებულიმ, ადგილობრივი ორგანიზაციის ოფისში სამი ადამიანი დაჭრა. ოკმელაშვილი მეშველიანის ძმის უახლოესი გარემოცვის წევრია და საარჩევნოდ ე.წ. ქუჩის გაკონტროლება აქვს დავალებული.

"ნიუპოსტის" ინფორმაციით, მერაბ ხორგუანი და ლაშა ვიბლიანი ფეხში არიან დაჭრილი, ხოლო დავით ჩხეტიანს ჭრილობა წელის არეში აქვს მიყენებული.

მომხდართან დაკავშირებით განცხადება გააკეთა ირაკლი კობახიძემ. ოცნების აღმასრულებელმა მდივანმა თქცვა, რომ ეს იყო თავდასხმა ქართული ოცნების ოფისზე.

კობახიძემ დაადასტურა, რომ იყო გასროლა და არიან დაჭრილებიც.

"დმანისში მძიმე ინციდენტი მოხდა, იყო მძიმე პროვოკაცია ჩვენი პარტიის ოფისთან, რასაც ჩვენ მიჩვეულნი ვარ. მე რამდენადაც ვიცი, გაისროლეს და არიან ადამიანები დაჭრილი. ასეთ შემთხვევაში, უმკაცრესი რეაგირებაა საჭირო სამართალდამცველების მხრიდან",- განაცხადა კობახიძემ რუსთავი 2-თან ინტერვიუში.