ადგილობრივი მაცხოვრებლის განმარტებით, პოლიციის სხვადასხვა ეკიპაჟის გამოჩენა სერიოზული ამბის განვითარებისკენ მიუთითებს:
„ერთი საათია მიმდინარეობს სპეცოპერაცია, შეიარაღებული პირები შეიჭრნენ „საქართველოს ბანკის“ ოფისში, მოგახსენებთ, რომ ეს ოფისი მდებარეობს სახელმწიფო უსაფრთხოების სამსახურის გვერდით, აქვე არის ზუგდიდის მუნიციპალიტეტი, მერიის შენობა, აქ არიან შეკრებილი ის ადამიანები, რომლებიც მთელი წლები იძახიან, რომ გახარია მათი მინისტრია - შედეგს ვხედავთ აქვე, „საქართველოს ბანკის“ ოფისში, სადაც მძევლად შეიარაღებულ პირებს აყვანილი ჰყავთ ბანკის თანამშრომლები და მომხმარებლები. გასული საუკუნის 50-ანი წლების იტალია - კოზა ნოსტრა ლაივში გვაქვს ზუგდიდში. კარმის კანონია - იძახდნენ, ახალაიები არ გვინდაო და ახლა ეს ხდება. ჩემს თვალწინ სხვადასხვა დაჯგუფებების პოლიციელები მოვიდნენ, სხვადასხვა ფორმებში გადაცმულები, რაც იმაზე მიუთითებს, რომ სპეცოპერაცია არის სერიოზულ ფაზაში და რაღაც ცუდი ხდება ჩვენს თავს, ნახევარი კილომეტრის მანძილზე პერიმეტრიდან მოსახლეობა გაიყვანეს, ეტყობა, რომ თავდამსხმელები სერიოზულად არიან შეიარაღებულნი“ - განაცხადა ადგილობრივმა.
მასალის გამოყენების პირობები