"მეორე დღეა ექიმის ზარს ამაოდ ველოდები… მკურნალობას ვინ დამინიშნავდა?”

"მეორე დღეა ექიმის ზარს ამაოდ ველოდები… მკურნალობას ვინ დამინიშნავდა?” – ნოდიკო ტატიშვილი

სოც.მედია - 14:50, 15 Oct, 2020

5286

მომღერალ, ნოდიკო ტატიშვილს, კორონავირუსი 14 ოქტომბერს დაუდასტურდა. მომღერალი ძალიან უკმაყოფილოა მედიკოსების მუშაობით, მისი თქმით ცხელების ცენტრიდან არც კი დაურეკავთ, შესაბამისად მკურნალობაც არ დაუნიშნავთ.

“ჩემს ახლობელს დაუდგინდა კორონავირუსი, რომელიც ხუთშაბათს ვნახე, არც გადამიკოცნია, უბრალოდ დახურულ სივრცეში ვიყავით ერთად. ღამე დაუდასტურდა მას კორონავირუსი და მე გადავედი თვითიზოლაციაში. არანაირი სიმპტომები არ მქონდა” – ამბობს მომღერალი.

ტატიშვილმა გამოიძახა შესაბამისი ლაბორატორია და ორჯერ გაიკეთა ტესტი. როგორც ნოდიკო “პრაიმტაიმთან” ამბობს, მას ცხელების ცენტრიდან არავინ შეხმიანებია. არის სახლში და ელოდება მედიკოსების ზარს.

ნოდიკო ტატიშვილი: – სახლში ვარ, მეორე დღეა ექიმის ზარს ველოდები, მაგრამ არავინ რეკავს

ანუ მკურნალობა არ დაგიწყია?

– არავინ შემხმინებია და მკურნალობას ვინ დამინიშნავდა? მე თვითონ დავრეკე სხვა ექიმებთან და მითხრეს, თუ მაღალი სიცხე მექნება, პარაცეტამოლი დავლიო.

გუშინ ძილის წინ 37 და 3 მქონდა. ამ დილით 35 და 5. როგორც ვატყობ, უმნიშვნელო სიმპტომით გამოხატული ვირუსია. არც არაფერი მტკივა. ჩემი სურვილით გავიკეთე, თორემ უსიმპტომოდ დამეწყო. რომ დამიდასტურდა, სტრესის ფონზე მომცა სიცხე.

მსუბუქ ფორმებში მიდის ყველაფერი და იმედია, ბოლომდე ასეც იქნება.