"ტაქსის მძღოლია, ბავშვი სკოლაში დაჰყავდა"- ვინ არის 9 წლის გოგონას მიმართ გარყვნილი ქმედების ბრალდებით დაკავებული მამაკაცი? (იმერეთში მომხდარი საზარელი ფაქტის დეტალები)

სამართალი - 11:56, 13 Oct, 2020

1782

იმერეთში მომხდარმა საზარელმა დანაშაულმა მთელი საქართველო შეძრა - პოლიციამ 72 წლის მამაკაცი 9 წლის გოგონას მიმართ გარყვნილი ქმედების ბრალდებით გუშინ დააკავა.
როგორც ირკვევა, ის ტაქსის მძღოლია და დაზარალებულის ოჯახმა მოზარდის სკოლაში წასაყვანად დაიქირავა. საქმე მას შემდეგ აღიძრა, რაც რამდენიმე დღის წინ გოგონა ბებიას გამოუტყდა, რომ მამაკაცი მასზე გარყვნილ ქმედებებს ახორციელებდა.

ადვოკატი დეტალებზე არ საუბრობს, მისი განცხადებით გოგონას ინტერესებიდან გამომდინარე არ არის მიზანშეწონილი დეტალების გახმაურება მისი მხრიდან.

მამაკაცის ოჯახის წევრები კატეგორიულად უარყოფენ მომხდარ ფაქტს, მათი თმით, ეს არის მოზარდის ფანტაზიის ნაყოფი.

მეზობლების თქმით, მომხდარის დაჯერება უჭირთ და პოლიციამ რომ წაიყვანა გაოგნებულები დარჩნენ, რადგან ძალიან პატიოსანი კაცია.

ოჯახი მამაკაცის უმკაცრესად დასჯას ითხოვს.

თოთხმეტი წლის ასაკს მიუღწეველი პირის მიმართ ჩადენილ გარყვნილი ქმედების ფაქტზე გამოძიება საქართველოს სსკ-ის 141-ე მუხლის მე-2 ნაწილის „ვ“ ქვეპუნქტით მიმდინარეობს.

დანაშაული 8-დან 14 წლამდე ვადით თავისუფლების აღკვეთას ითვალისწინებს.