ტაქსის მძღოლი თბილისში: როგორია ის?

ბიზნესი & ეკონომიკა - 11:17, 13 Oct, 2020

1906

ტაქსის გამოძახების სერვის „მაქსიმის" ანალიტიკოსები გვთავაზობენ ინფორმაციას თუ როგორია თბილისში ტაქსის მძღოლის აღწერილობა: სახელი, ასაკი და მისი ავტომობილის მარკა.

როგორც აღმოჩნდა, „მაქსიმში" დარეგისტრირებულ მძღოლთა შორის ყველაზე გავრცელებული სახელი არის გიორგი, დაახლოებით ყოველი მეათე მძღოლი სწორედ ამ სახელს ატარებს - 12.3%. მეორე ადგილზეა სახელი დავითი - 6.6 პროცენტით. მას მოჰყვებიან ლევანი - 3.4%, ზურაბი - 2.9%, ნიკოლოზი - 2.5% და ირაკლი - 2.3%. ამ სახელებთან შედარებით ნაკლებად, მაგრამ მაინც გავრცელებულია ალექსანდრე, ლაშა, კახა და მიხეილი.

ყველაზე ხშირად „მაქსიმის" მძღოლებს შორის 21-დან 35-წლამდე მამაკაცებს შეხვდებით, 43.3% სწორედ ამ ასაკისაა. შემდეგ შედარებით უფროსი თაობის მძღოლები მოდიან: 36-დან 45-წლამდე 29.0% და 46-დან 65-წლამდე 25.59 % არის. „მაქსიმის" მძღოლის აპლიკაციით 65 წელს ზემოთ მყოფი მძღოლებიც სარგებლობენ, მათი პროცენტული წილი 1.34 არის. 21-წლამდე მძღოლები კი მთლიანი როადენობის 0.78 პროცენტს შეადგენენ.

რაც შეეხება ტაქსებს შორის პოპულარულ ავტომობილებს, ამ სტატისტიკის უპირობო ლიდერი „ტოიოტა პრიუსია", ავტომობილი გამძლეობითა და საიმედოობით გამოირჩევა და სავარაუდოდ მძღოლები მასზე სწორედ ამიტომ აკეთებენ აქცენტს. შემდეგ მოდის „მერსედესის" ორი სერიის C და E კლასის ავტომობილები. მათგან შედარებით ნაკლებად, მაგრამ სამუშაოდ მაინც პოპულარულია „ტოიოტა ქამრის", „ოპელ ასტრასა" და „ჰონდა ფიტის" გამოყენება.

რომ შევაჯამოთ, თუკი საქართველოს დედაქალაქში ტაქსის მომსახურებას მოინდომებთ და „მაქსიმის" აპლიკაციით ისარგებლებთ, დიდია იმის ალბათობა, რომ თქვენ მოგემსახუროთ 21-დან 35-წლამდე მამაკაცი, რომელსაც სახელად გიორგი ერქმევა და „ტოიოტა პრიუსით" მიგიყვანთ დანიშნულების ადგილამდე.

შეგახსენებთ, რომ ტაქსის გამოძახება შეგიძლიათ ონლაინ საიტზე https://taximaxim.ge/ , აპლიკაციით https://taximaxim.com/ge/app/ ან ოპერატორთან დაკავშირებით.