„პრაიმტაიმის” ინფორმაციით, კახეთში, სიღნაღის მუნიციპალიტეტში, სათემო ორგანიზაცია „ქედელში” 22 წლის ახალგაზრდა უბედური შემთხვევის მსხვერპლი გახდა – ლევან ლიპარტელიანი მწვადით დაიხრჩო.

ის ოჯახური ტიპის დაწესებულების ბენეფიციარი იყო. როგორც ჩვენთან საუბრისას ორგანიზაციის ხელმძღვანელმა განაცხადა, ლევან ლიპარტელიანი უბედურ შემთხვევას ემსხვერპლა და ხორცის ნაჭრის გადაცდენით დაიხრჩო.

„ლევანი მწვადს მიირთმევდა, გადასცდა და დაიხრჩო. მას ფიზიკური ჯანმრთელობის არანაირი პრობლემა არ ჰქონია, აღენიშნებოდა გონებრივი ჩამორჩენა.

მომხდარზე გამოძიება დაწყებულია და ორივე მხარე ექსპერტიზის დასკვნებს ველოდებით.” – ამბობს გელა ღლიღვაშვილი.