"კარები ჩაკეტა, გოგოს რაღაც მოაწევინა, გაუპატიურებით ემუქრებოდა და დასცინოდა"- პოლიცია ახალგაზრდა მამაკაცს ეძებს

შემთხვევა - 13:49, 10 Oct, 2020

3190

სოციალურ ქსელში აქტიურად ვრცელდება სოციალური ქსელის მომხმარებლის, ნუკა გაბრიჩიძის სტატუსი, სადაც ის უმძიმესი დანაშაულის შესახებ წერს.
მოქალაქე ირწმუნება, რომ მისი მეგობარს თავისუფლება უკანონოდ აღუკვეთეს და ვინმე ვაკო ვერულაშვილი ავტოსტოპით მომავალი ახალგაზრდა ქალის გაუპატიურებას შეეცადა:

"ჩემი მეგობარი წამოყვა სტოპით. ამ ს..მა ბოლოს ჩაუკეტა მანქანა და არ უჩერებდა. კიდევ კარგი მოასწრო ჩემთვის მოწერა და მონაცემების გადმოცემა. როცა მეც ვრეკავდი და 112-ის და პატრულის თანამშრომლები მეგობრის ნომერზე, მაინც არ აჩერებდა, სანამ თვითონ მის ნომერზე არ დაურეკეს. ახლა ჩემი მეგობარი მოყავს პატრულს და ეგ ტიპი, სადღაც გზაშია. პატრულს სხვა რეაგირებაც ხომ უნდა მოეხდინა?მე კი ვამხელ ყლ..ბს და რომ ფრთხილად იყოთ ამ ს.რს თუ გადააწყდით. მაგრამ პატრული? ანუ მართლა ძაან დიდი მადლობა, იმიტომ რომ სწრაფი რეაქცია მოყვა და მეც მირეკავდნენ და მეგობარსაც და ძაან ყურადღებით მოიქცნენ, მაგრამ უნდა გაეშვათ?რაღაც მოაწევინა თურმე, ვერ მოძრაობს ახლა საერთოდ ჩემი მეგობარი. პატრული ეძებს ამ ტიპს.

გაუპატიურებით ემუქრებოდა და დასცინოდა. ტრაილერში ისხდნენ და მანქანა რომ ჩაკეტა ფანჯრებიც ამოწია, აქედან შენს კივილს ვერავინ გაიგებს, რაც არ უნდა სცადოო.ყლ..ბისთვის: გარკვევით მიწერია რომ ტელეფონით იყო კავშირი პატრულსა და ჩემი მეგობრის, შემდეგ უკვე იმ ყლ.ს შორის. რომ გაიგო პატრული ელაპარაკებოდა, მხოლოდ შემდეგ გააჩერა და გადმოუშვა"- დაწერა სოციალურ ქსელში გაბრიჩიძემ.
"ნიუპოსტი" შინაგან საქმეთა სამინისტროს დაუკავშირდა, სადაც აღნიშნეს, რომ უწყებამ გამოძიება სსკ-ის 143-ე მუხლის პირველი ნაწილით დაიწყო, რაც თავისუფლების უკანონო აღკვეთას გულისხმობს და სასჯელის სახედ და ზომად ორიდან ოთხ წლამდე თავისუფლების აღკვეთას ითვალისწინებს.