სისხლიანი ინცინდენტი მარტყოფის პანსიონატში - გარდაცვლილია 37 წლის ბენეფიციარი

შემთხვევა - 11:15, 07 Oct, 2020

1635

მარტყოფის პანსიონატში გარდაცვლილი 37 წლის მამაკაცი - ერთ-ერთი ვერსიით, ევგენი აბდალოვი, პანსიონატში მომხდარ დაპირისპირებას ემსხვერპლა.

როგორც ირკვევა, ბენეფიციარებს შორის სისხლიანი დაპირისპირება 2 დღის წინ მოხდა. ახალგაზრდა ქალმა 37 წლის კაცს თავი კედელზე მიარტყმევინა, რის შემდეგაც მამაკაცის მდგომარეობა დამძიმდა. ადგილზე სასწრაფო დახმარების ბრიგადა გამოიძახეს, თუმცა მედიკოსებმა ბენეფიციარის საავადმყოფოში გადაყვანის აუცილებლობა ვერ დაინახა.

მდგომარეობის კიდევ უფრო გაუარესების შემდეგ, ადმინისტრაციამ სამედიცინო დახმარების ბრიგადა კიდევ ერთხელ გამოიძახა, თუმცა ამ შემთხვევაშიც მედიკოსებმა მამაკაცის სამედიცინო დაწესებულებაში გადაყვანაზე უარი განაცხადეს.

ბოლო მცდელობისას, რიგით მესამე ბრიგადას კი 37 წლის კაცი უკვე გარდაცვლილი დახვდა.

ადგილზე კრიმინალური პოლიცია ამ წუთებშიც მუშაობს. საქმეზე კი გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

ექიმების შესაძლო გულგრილობას სწავლობს ჯანდაცვის სამინისტროს რეგულირების სამსახურიც. შესაბამისად არ არის გამორიცხული რომ მედიკოსების პასუხისმგებლობის საკითხი დადგეს.