სამძებრო სამუშაოები კიდევ აქტიურად მიმდინარეობს და მაშველები ახლა მეწყერში მოყოლილ მოზარდს ეძებენ, რომელიც მშობლებთან ერთად ჩამოწოლილმა მიწის მასამ მაშინ მოიყოლა, როდესაც ის სახლში იმყოფებოდა.

მანამდე ქალისა და ორი ახალგაზრდა მამაკაცის ცხედარი იპოვნეს.

სამძებრო სამუშაოებში 200 მაშველი-მეხანძრეა ჩართული, რომლებიც თითქმის 20 საათია სამძებრო სამუშაოებს ახორციელებენ.

შეგახსენებთ, რომ გუშინ უხვი ნალექის გამო ხელვაჩაურში მეწყერი ჩამოწვა და რამდენიმე ადამიანი მოიყოლა.