არ მეგონა, ქმართან გაშორების შემდეგ თუ ვინმე შემიყვარდებოდა - შორენა ბეგაშვილი ე.წ. კანონიერ ქურდათან რომანზე ალაპარკდა

სოც.მედია - 12:44, 01 Oct, 2020

3133

შორენა ბეგაშვილმა „რუსთავი 2“-ზე ახალი გადაცემა დაიწყო. მან პირველ გადაცემაში საკუთარი პირადი ცხოვრების საინტერესო დეტალები გაამხილა.

შორენა მის ახალ საყვარელ მამაკაცზე, ლაშა ბარათელზე საუბრობს ჟურნალ „სარკესთან“.

გთავაზობთ ამონარიდებს ინტერვიუდან:

„შემომხედეთ – რა მეტყობა, რომ დღეს დილით სახლი დავალაგე, გამოვწმინდე და ბავშვს კარტოფილი შევუწვი? კარგი იქნებოდა, ჩემი ცხოვრება ისე ყოფილიყო მოწყობილი, რომ გამაჯანსაღებელი პროცედურიდან პროცედურაზე მივდიოდე. ჩვეულებრივი ცხოვრებით ვცხოვრობ. თავისი ბევრი ყოფითი პრობლემით. უამრავი საოჯახო საქმე მაწევს მხრებზე“.

„ქალს შეუძლია, თავისი ღიმილით ბევრი რამ დაფაროს. მეც მეგონა ეს ოჯახი იდეალური, მაგრამ ასე არ აღმოჩნდა. მე უფრო სხვა ტიპის მამაკაცს ვიმსახურებ. კონკრეტულად რა გახდა ოჯახის დანგრევის მიზეზი, ამას ახლა არ ვიტყვი.

ალბათ, დიდი იმედგაცრუება იყო…

იმედგაცრუებაც და უფრო მეტიც. ჩვენი განქორწინება არ იყო სპონტანური გადაწყვეტილება.

-მინდა, გკითხოთ თქვენი ახალი რომანის შესახებ, რომელიც ჭორის დონეზე ვრცელდება. მართლა არის თქვენს ცხოვრებაში სიყვარული, რომელიც უცხოეთში მცხოვრები ქართველი ავტორიტეტია?

-ბედნიერი ვარ და ყველაფერი კარგად არის ჩემს პირად ცხოვრებაში. კი, ნამდვილად არის ეს სიყვარული. სიმართლე გითხრათ, არ მეგონა, ქმართან გაშორების შემდეგ თუ ვინმე შემიყვარდებოდა და გადავწყვიტე, მხოლოდ საქმეზე მეფიქრა. როდესაც ორი ქორწინება იმედგაცრუებით სრულდება, ჯობია მარტო ყოფნა. ზუსტად ამ დროს გამოჩნდა ეს ადამიანი და სულ სხვანაირად დამანახვა სიყვარული.