ვარიკოზი და მისი გამომწვევი მიზეზები

ეს საინტერესოა - 11:10, 30 Sep, 2020

1368

ვარიკოზის დროს იმ სისხლძარღვების კედლები, რომელთა მეშვეობითაც სისხლი ქსოვილებიდან გულისაკენ მიედინება, ფართოვდება, დეფორმირდება და წყვეტს სწორად ფუნქციონირებას.

ყველაზე ხშირად, ვარიკოზი გავლენას ახდენს ქვედა კიდურების ზედაპირზე არსებულ ვენებზე. მისი სიმპტომები, ჩვეულებრივ, შეუიარაღებელი თვალითაც თვალნათლივ ჩანს. ეს არის შეშუპებული ვენები, რომლებიც ჩნდება კანის ქვეშ და კვანძებს ჰგავს.

ვარიკოზის გამომწვევი მიზეზები

· გენეტიკა - თუ ოჯახში ორივე მშობელს აწუხებს ვარიკოზი, დიდი შანსია იმის, რომ იგი შთამომავლობაზე მემკვიდრეობით გადავა;

· ორსულობა - ამ პერიოდის განმავლობაში იზრდება იმ სისხლის ოდენობა, რაც ხელს უწყობს ბავშვის განვითარებას. ეს ყოველივე კი ზრდის დატვირთვას თქვენს ვენებზე;

· ჭარბი წონა - ირღვევა ლიპიდების მეტაბოლიზმი, რაც იწვევს ვარიკოზს;

· ფიზიკური დატვირთვა - თუ ადამიანი ხშირად ზის ან დგას და მისი ცხოვრების წესი გულისხმობს მუდმივ ფიზიკურ დატვირთვას, ასეთ დროს იზრდება ვარიკოზული ვენების რისკი;

· არასათანადო კვება - ხილისა და ბოსტნეულის არასაკმარისი მიღება იწვევს ქრონიკულ ყაბზობას, საკვები ნივთიერებების ნაკლებობას. ეს ყველაფერი კი, თავის მხრივ, იწვევს ვენური კედლის მთლიანობის დარღვევას;

· მაღალქუსლიანი ფეხსაცმელის ტარება - მოქმედებს გასტროკნემიუსის კუნთის მუშაობაზე, ამცირებს კუნთის ტუმბოს აქტივობას.

ვარიკოზის განვითარების სტადიები

ვარიკოზი რამოდენიმე სტადიად კლასიფიცირდება:

1. ნულოვანი. პაციენტს აქვს ჩივილები, თუმცა ვიზუალური და სამედიცინო გამოკვლევები არ მიუთითებს ვარიკოზის არსებობაზე.

2. პირველი. ზედაპირზე ჩნდება ქსელური კაპილარები, პაციენტი პერიოდულად განიცდის სიმძიმის შეგრძნებას ქვედა კიდურების არეში.

3. მეორე. გარეგნულად კარგად ჩანს სარქველები, ჩნდება ქსელური კაპილარები, რომლებიც მწვავდება ხანგრძლივი ჯდომის და მაღალ ქუსლიანი ფეხსაცმლის ტარების შემდეგ.

4. მესამე. ქვედა კიდურებს ახასიათებს რეგულარული შეშუპება და მწვავე ტკივილი.

5. მეოთხე. იცვლება კანის ფერი (მუქდება). ჩნდება მცირე ადგილობრივი ანთებითი პროცესები.

6. მეხუთე. იზრდება ტროფიკული დარღვევების რიცხვი.

7. მეექვსე. იზრდება მწვავე წყლულების რაოდენობა.

რა პროდუქტებს გვთავაზობს „ახალი ხედვა“ ვარიკოზისათვის

კომპანია „ახალი ხედვა“, რომელიც 2012 წელს დაარსდა, დღემდე ლიდერ პოზიციას იკავებს ბაზარზე. იგი გამოირჩევა უმაღლესი ხარისხითა და თანამედროვე სამედიცინო პროდუქციით. კომპანია მომხმარებელს სთავაზობს ვარიკოზის მოვლის მრავალფეროვან საშუალებებს, რაც მოიცავს კოლგოტებს, მაღალყელიან და მუხლამდე წინდებს, ხელის გეტრებს და კოლგოტებს ორსულთათვის. მომხმარებლებს შეუძლიათ ესტუმრონ მაღაზიის ნებისმიერ ფილიალს, სადაც კომპეტენტური კონსულტანტები დაეხმარებიან მათთვის საჭირო პროდუქციის შერჩევაში.