საზოგადოებრივი მაუწყებლის გენერალური დირექტორობის კანდიდატი ირმა სოხაძის განცხადებით “პირველ არხზე“ შავი სიების არსებობის ეჭვია და არ გამორიცხავს, რომ თვითონაც ამ სიაშია.

მისი თქმით 3 წელი არც ერთ გადაცამაში არ ყოფილა სტუმრად და ძალიან სწყინს მსგავსი დამოკიდებულება და იგნორი.

„პირველ არხზე შავი სიების არსებობის ეჭვია და მე პირადად მაქვს ეს ეჭვი, არ დაგიმალავთ, ალბათ, მეც მათ შორის ვარ. 3 წელი ჩემი ჭაჭანება არ ყოფილა არც ერთ გადაცემაში... ნეტავი ვინმეს ჟიურიში მაინც დავესვი, არ შეიძლებოდა რანინას ჟიურიში? სრული იგნორირებაა, გესმით, ვიღაცების, მე ილუსტრაცია ვარ, აგერ ვარ და ამ ყველაფრის მონაწილე ვარ, ამიტომ მწყინს“-ირმა სოხაძე