გურჯაანის რაიონის სოფელ კოლაგში, გარდაცვლილი 10 თვის ბარბარე რაფალიანცის ბაბუას, ილია მექერიშვილს მისთვის უცნობმა პირებმა ფიზიკური შეურაცხყოფა მიაყენეს. დაზარალებულს თვალი აქვს დაზიანებული და ძირითადად სახისა და თავის არეშია ნაცემი.

ოჯახი აღნიშნულ ინციდენტს, უკანასკნელ დღეებში გურჯაანის მაჟორიტარი დეპუტატის, გიორგი ღვინიაშვილის მიერ ბარბარე რაფალიანცის საქმესთან დაკავშირებით გაკეთებულ განცხადებებს უკავშირებს. შეგახსენებთ, რომ ღვინიაშვილის თქმით, ჩვილის გარდაცვალების საქმე გახსნილია, თუმცა, შსს-ს და „ქართულ ოცნებას“ მისი გახმაურება არ აწყობს.

გარდაცვლილი ჩვილის დედა თათია მექერიშვილი, მისგან იმ წყაროს დასახელებას მოითხოვს, ვისზე დაყრდნობითაც განცხადება გავრცელდა. ოჯახი აცხადებს, რომ მათზე ზეწოლა უკვე დიდი ხანია, ხორციელდება, რადგან, მათივე თქმით, ეს დაშინების პირველი შემთხვევა არ იყო.

მომხდარზე სისხლის სამართლის საქმე აღიძრა, ოჯახის წევრები უკვე დაკითხეს სამართალდამცველებმა და დაზარალებულს სამედიცინო ექპერტიზა ჩაუტარდა.