15 წლის ბიჭის გაუპატიურების საქმე - 68 წლის კაცი მოზარდს აუპატიურებდა, ფოტოსურათებს უღებდა და მომხდარის გახმაურების შემთხვევაში ოჯახის წევრების მოკვლით ემუქრებოდა

სამართალი - 14:02, 22 Sep, 2020

5717

"ნიუპოსტის" მიერ, რამდენიმე წუთის წინ გავრცელებული ინფორმაცია, რომელიც 15 წლის ბიჭის გაუპატიიურებას ეხებოდა, შინაგან საქმეთა სამინისტრმ ოფიციალურად დაადასტურა.

"ნიუპოსტის" წყარო ყვებოდა, რომ თბილისში მცხოვრები 68 წლის მამაკაცი მეზობელზე 4 წლის განმავლობაში სექსუალურად ძალადობდა.

შსს სამინისტროში ამბობენ იმასაც რომ უმძიმესი დანაშაულისთვის დაკავებული არასრულწლოვანთან მისი ნების საწინააღმდეგოდ ამყარებდა სქესობრივ კავშირს, ფოტოსურათებს უღებდა და მომხდარის გახმაურების შემთხვევაში, ქონების განადგურებით და ოჯახის წევრების მოკვლით ემუქრებოდა.

უწყებისვე ცნობით, მამაკაცის მუქარას არასრულწლოვანი რეალურად აღიქვამდა, რის გამოც ის მომხდარს წლების განმავლობაში საიდუმლოდ ინახავდა.

"შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, წინასწარი შეცნობით არასრულწლოვნის გაუპატიურების ბრალდებით, 1952 წელს დაბადებული ი.გ. დააკავეს.
დანაშაული 15-დან 20 წლამდე ვადით ან უვადო თავისუფლების აღკვეთას ითვალისწინებს.

გამოძიებით დადგინდა, რომ ბრალდებული მეზობლად მცხოვრებ არასრულწლოვან ბიჭთან, რამდენიმე წლის განმავლობაში, მისი ნების საწინააღმდეგოდ ამყარებდა სქესობრივ კავშირს, ფოტოსურათებს უღებდა და მომხდარის გახმაურების შემთხვევაში, ქონების განადგურებით და ოჯახის წევრების მოკვლით ემუქრებოდა. მამაკაცის მუქარას არასრულწლოვანი რეალურად აღიქვამდა, რის გამოც ის მომხდარს წლების განმავლობაში საიდუმლოდ ინახავდა.
გამოძიება წინასწარი შეცნობით არასრულწლოვნის გაუპატიურების ფაქტზე, საქართველოს სსკ-ის 137-ე მუხლის მე-4 ნაწილის ,,გ“ ქვეპუნქტით მიმდინარეობს"- აცახდებენ უწყებაში.