რაგბიზე ყველა სტრუქტურის მხრიდან ზეწოლაა

რაგბიზე ყველა სტრუქტურის მხრიდან ზეწოლაა - ბესო ჯანგვაძე

შემთხვევა - 21:53, 16 Sep, 2020

1773

რაგბიზე ყველა სტრუქტურის მხრიდან ზეწოლა მიმდინარეობს - ამის შესახებ სპორტულმა ჟურნალისტმა ბესო ჯანგვაძემ რუსთავი 2-ის ეთერში დღეს მომხდარ ინციდენტზე საუბრისას განაცხადა.

ჯანგვაძემ ჟურნალისტებს მოუწოდა "ძალიან ნუ გაქექავენ" ამ სიტუაციას, რადგან რაგბს, როგორც ბრენდს საფრთხე ექმნება.

„მინდა ვთხოვო ჩემს კოლეგებს, ჟურნალისტებს რომ ძალიან ნუ გავქექთ ამ სიტუაციას. უდიდესი მოვლენა მოხდა საქართველოს რაგბის ისტორიაში. ვგულისხმობ რვა ერს. მსოფლიო გამადიდებელი შუშით უყურებს საქართველოს რაგბის ნაკრები. რვა ერის თამაშში ჩვენს მონაწილეობაზე დღევანდელი მოვლენა გავლენას არ იქონიებს, მაგრამ დაძაბული ფონი რაგბისტებზე იმოქმედებს. ახლა ყველამ ყველაფერი უნდა დავივიწყოთ და გავერთიანდეთ, რომ ჩვენმა ნაკრებმა ღირსეულად იასპარეზოს. რაგბიზე ყველა სტრუქტურის მხრიდან ძალიან დიდი ზეწოლაა. მაგალითად რაგბის კავშირს არ ჰქონდა საქართველოს ჩემპიონატის ჩასატარებლად ფული, მაგრამ როგორც კი გოჩა სვანიძე გადადგა სახელმწიფომ ერთ თვეში გამოყო თანხა ჩემპიონატის ჩასატარებალდ, რა მოხდა ამ დროში? გასცეს ამაზე პასუხი ვინმემ რა. ისიც ფსიქოლოგიური ზეწოლა არ არის რაც საზოგადოების მხრიდან სოციალურ ქსელებში იწერება რაგბიზე, 19 წლის ბიჭის, გიორგი შაქარაშვილის გარდაცვალების შემდეგ, რომელის საქმის ფიგურანტებიც მორაგბეები არიან? წაიკითხეთ ერთი რას წერენ. ორმა თუ ერთმა მორაგბემ ჩაიდინა, თუ არ ჩაიდინა დანაშაული ეგეც კაცმა არ იცის და ზეწოლა რაგბიზე მოდის. ქართული რაგბი არის ბრენდი და ნუ გავაუფასურებთ მას აკა მორჩილაძე წერს: „შექსპირი კარგია დიდებული და ის კაცობრიობას ეკუთვნის, ცუდი ქართველი მარტო საქართველოს?“ რაგბი როცა წარმატებულია და იგებს ყველა ამაყი ვართ და როცა რაგბიში ცუდი რამე ხდება ის მარტო რაგბის სირცხვილია?“ - განაცხადა ბესო ჯანგვაძემ.

ცნობისთვის, 16 სექტემბერს „შვიდკაცა“ ნაკრების ყოფილი კაპიტანი რამაზ ხარაზიშვილი დაჭრეს. ეჭვმიტანილი კი რაგბის კავშირის ვიცე-პრეზიდენტი მერაბ ბესელიაა.