დღეს ეროვნული ბანკი სავალუტო აუქციონზე 40 მილიონ აშშ დოლარს გაყიდის - ამის შესახებ ეროვნული ბანკის პრეზიდენტმა კობა გვენეტაძემ დღეს გამართულ შეხვედრაზე განაცხადა. მისივე ინფორმაციით, წლის ბოლომდე ბაზრისთვის 200 მილიონ დოლარზე მეტის მიწოდება ეტაპობრივად მოხდება:

„სავალუტო ბაზარს ეროვნულმა ბანკმა უკვე მიაწოდა 380 მილიონი დოლარი. დღესაც 40 მილიონი დოლარის რესურსს გამოიტანს და გაყიდის ეროვნული ბანკი. არ მინდა წინ გავუსწრო მოვლენებს, მაგრამ ვფიქრობ იმხელა დანაკლისის პირობებში, რაც საქართველომ განიცადა და ამავე დროს იმ დახმარების საშუალებით, რეზერვების დაგროვების საშუალებით, წლის ბოლომდე ბაზრისთვის მიწოდებული თანხა 200 მილიონ დოლარზე მეტი იქნება“, - განაცხადა კობა გვენეტაძემ.